ప్రముఖ దర్శకుడు కె.రాఘవేంద్రరావు ఇంటి వద్ద ఓ యువకుడు హల్‌చల్‌ చేశాడు. బంజారాహిల్స్‌లోని ఆయన ఇంటి ముందు ఉన్న మూడు కార్ల అద్దాలను ధ్వంసం చేశాడు. యువకుడిని అనంతపురం జిల్లా ఎదులవాడకు చెందిన రవీంద్రగా గుర్తించారు. రాఘవేంద్రరావు దర్శకత్వంలో నాగార్జున కథానాయకుడిగా రూపొందించిన 'శ్రీరామదాసు' చిత్రానికి కథను అందించినా తనకు ప్రాధాన్యం ఇవ్వడం లేదని యువకుడు ఆరోపించాడు. వెంటనే అప్రమత్తమైన రాఘవేంద్రరావు ఇంటి వాచ్‌మెన్‌ యువకుడిని పట్టుకుని పోలీసులకు సమాచారం అందించారు. రవీంద్రపై 452, 427 సెక్షన్ల కింద పోలీసులు కేసు నమోదు చేశారు.