దుబాయ్‌: దుబాయ్‌లో పొడవైన ఓపెన్ పబ్లిక్ బీచ్‌ను అభివృద్ధి చేసే ప్రణాళిక అయిన జెబెల్ అలీ బీచ్ డెవలప్‌మెంట్ ప్రాజెక్ట్ కోసం మాస్టర్ ప్లాన్, డిజైన్‌లు ఆమోదించబడినట్లు దుబాయ్ క్రౌన్ ప్రిన్స్ షేక్ హమ్దాన్ బిన్ మహ్మద్ అల్ మక్తూమ్ ప్రకటించారు. జెబెల్ అలీ బీచ్ డెవలప్‌మెంట్ ప్రాజెక్ట్ ఈత కోసం ఏర్పాటైన రెండు కిలోమీటర్ల ఓపెన్ బీచ్. 2.5 కిమీ డైవింగ్ స్పోర్ట్స్ ఏరియా, వీక్షణ ప్లాట్‌ఫారమ్‌లతో కూడిన వాకింగ్ మార్గం, అన్ని వయసుల వారు బీచ్‌కి వెళ్లేలా రూపొందించారు.  6.6 కిలోమీటర్ల పొడవుతో, జెబెల్ అలీ బీచ్ మొత్తం 330 హెక్టార్లలో విస్తరించి ఉంది. ప్రతి దిశలో రెండు లేన్ల రహదారి, 1,000 వాహనాలకు పార్కింగ్, 80 సైకిల్ ర్యాక్‌లు, సైక్లింగ్ ట్రాక్ మరియు 5 కిమీ రన్నింగ్ ట్రాక్‌తో సహా సమీకృత మౌలిక సదుపాయాలతో బీచ్ ను ఏర్పాటు చేశారు.  దుబాయ్‌లో ఇప్పటికే ఎనిమిది పబ్లిక్ బీచ్‌లు ఉన్నాయి. అవి ఖోర్ అల్ మమ్‌జార్, అల్ మమ్జార్ కార్నిచ్, జుమైరా 1, జుమేరా 2, జుమేరా 3, ఉమ్ సుఖీమ్ 1, ఉమ్ సుఖీమ్ 2 మరియు జెబెల్ అలీ. 2023లో వీటిలో కొన్ని బీచ్‌లను పునరుద్ధరించారు.