కువైట్: కుటుంబ వీసా పొందేందుకు యూనివర్సిటీ డిగ్రీ నిబంధన తొలగించిన విషయం తెలిసిందే. నిబంధన అమల్లోకి వచ్చి మొదటి రోజున వివిధ గవర్నరేట్‌లలోని రెసిడెన్సీ వ్యవహారాల విభాగాలకు పెద్ద సంఖ్యలో దరఖాస్తులు అందాయి.  మొదటి రోజున కుటుంబ వీసాల కోసం సుమారు 540 దరఖాస్తులను స్వీకరించాయని, ఇందులో దాదాపు 320 కుటుంబ వీసాలు జారీ చేయబడ్డాయని, మిగిలిన దరఖాస్తులు పరిశీలనలో ఉన్నాయని రెసిడెన్సీ వ్యవహారాల విభాగం వెల్లడించింది. రానున్న రోజుల్లో దరఖాస్తుల సంఖ్య తగ్గే అవకాశం ఉందని సంబంధిత వర్గాలు అంచనా వేస్తున్నాయి.