హైదరాబాద్: తక్కువ దృష్టి, ఆటిజం, చిత్తవైకల్యం, మేధో వైకల్యం లేదా వినికిడి లోపం వంటి  కంటికి కనిపించని వైకల్యాలు ఉన్న ప్రయాణికులకు ప్రయాణ అనుభవాలను మెరుగుపరచడానికి జిఎంఆర్ హైదరాబాద్ ఇంటర్నేషనల్ ఎయిర్పోర్ట్ లిమిటెడ్ (GHIAL) హిడెన్ డిసెబిలిటీస్ సన్ఫ్లవర్ ప్రోగ్రామ్ను ప్రారంభించింది. ఈ చొరవ సమ్మిళిత మరియు సామాజిక బాధ్యతాయుతమైన ప్రయాణికుల సేవల పట్ల GHIAL యొక్క నిబద్ధతను ప్రతిబింబిస్తుంది.

ప్రయాణికులు ప్రపంచవ్యాప్తంగా గుర్తించబడిన సన్ఫ్లవర్ ట్యాగులనూ ధరించడం ద్వారా వారి సహాయ అవసరాన్ని తెలివిగా సూచించవచ్చు, ఇది అదనపు సహాయం లేదా సమయాన్ని అందించడానికి సిబ్బందిని అప్రమత్తం చేస్తుంది. ఈ ట్యాగ్  వేగవంతమైన సేవలకు హామీ ఇవ్వదు, కానీ విమానాశ్రయ సిబ్బందికి దృశ్య సూచనగా పనిచేస్తుంది. ఈ కార్యక్రమం గురించి సమాచారం విమానాశ్రయం వెబ్సైట్లో అందుబాటులో ఉంది మరియు ప్రయాణికులు ఆన్లైన్లో లేదా విమానాశ్రయం యొక్క ఇన్ఫర్మేషన్ డెస్క్లో వద్ద ప్రయాణ వివరాల ఫారాన్ని పూర్తి చేయవచ్చు.

సన్ఫ్లవర్ ప్రోగ్రామ్ ను ప్రారంభించిన సంధర్భంగా ప్రదీప్ పాణికర్, CEO-GMR హైదరాబాద్ ఇంటర్నేషనల్ ఎయిర్పోర్ట్  లిమిటెడ్ మాట్లాడుతూ, "హైదరాబాద్ విమానాశ్రయంలో హిడెన్ డిజెబిలిటీస్ సన్ఫ్లవర్ చొరవను ప్రవేశపెట్టడం ప్రయాణికులందరికీ సౌకర్యవంతమైన అంతరాయం లేని ప్రయాణ అనుభవాన్ని నిర్ధారించడానికి మా నిబద్ధతను ప్రతిబింబిస్తుంది. ఈ ప్రోగ్రామ్ ద్వారా ప్రయాణ సమయంలో కనిపించని వైకల్యాలు ఉన్న వ్యక్తులు ఎదుర్కొనే సవాళ్లను గుర్తించి తగిన సేవలు అందించేందుకు సహాయపడుతుంది. అవగాహన, మద్దతు, వైవిధ్యమైన మరియు సమ్మిళిత పర్యావరణ వ్యవస్థను పెంపొందించడమే మా లక్ష్యం. ఇది ప్రయాణికులు, విమానాశ్రయ సిబ్బంది మధ్య మెరుగైన కమ్యూనికేషన్కు మార్గం సుగమం చేయడమేకాకుండా మెరుగైన ప్రయాణ అనుభవానికి సహాయపడుతుంది.

అన్ని ప్యాసింజర్ ఇంటరాక్షన్ పాయింట్ల వద్ద సిబ్బందికి శిక్షణ మరియు ప్రోగ్రామ్ గురించి అవగాహన ఉండేలా GHIAL నిర్ధారిస్తుంది. 2016లో యునైటెడ్ కింగ్డం ప్రారంభమైన సన్ఫ్లవర్ ట్యాగ్ ను ప్రస్తుతం ప్రపంచవ్యాప్తంగా 200 విమానాశ్రయాలు, రవాణా వ్యవస్థల్లో ఉపయోగిస్తున్నారు. ప్రయాణికులు ప్రయాణానికి ముందు ఏదైనా ప్రత్యేక సహాయ అవసరాల గురించి తమ విమానయాన సంస్థలకు తెలియజేయాలి.

సన్ఫ్లవర్ కార్యక్రమం గురించి మరియు కనిపించని వైకల్యాలు ఉన్న వ్యక్తుల కోసం అందించే సేవల గురించి మరింత సమాచారం కోసం,ఈ వెబ్సైట్ను సందర్శించండి: https://www.hyderabad.aero/hidden-disabilities-sunflower.aspx