ఓ మై గాడ్.! పవన్ కళ్యాణ్ తక్కువోడు కాదు. కాదు కాదు, డిప్యూటీ సీఎం పవన్ కళ్యాణ్ గారు.. ఇది ఆయనకు మాత్రమే సాధ్యమైన పని.
ప్రస్తుతం డిప్యూటీ సీఎం హోదాలో వుండి ఆయన చక్కబెడుతున్న పనులు, చేపడుతున్న కార్యక్రమాలకు ఓ వైపు గిన్నీస్ వరల్డ్ రికార్డులే దక్కుతున్నాయ్.
అంత బిజీ షెడ్యూల్‌లోనూ తనను నమ్ముకున్న నిర్మాతల నమ్మకాల్నివమ్ము చేయకూడదన్న డెడికేషన్‌తో ఆయన ముఖానికి రంగు వేసుకునే ప్రయత్నం కూడా చేశారు.
చెప్పినట్లుగానే ‘హరి హర వీరమల్లు’ షూటింగ్ స్టార్ట్ అయిపోయింది. రోజుకు 5 గంటల పాటు నిర్విరామంగా ఈ షూటింగ్ పూర్తి చేయనున్నారట.
విజయవాడ చుట్టుప్రకల ప్రత్యేకంగా వేసిన సెట్స్‌లో ఈ సినిమాని తెరకెక్కిస్తున్నారు. వారం రోజుల పాటు షూటింగ్ యథా తధంగా జరగనుందనీ తెలుస్తోంది.
ప్రస్తుతం ఆయన దీక్షలో వున్న సంగతి తెలిసిందే. దీక్షలో వుంటూనే షూటింగ్‌లోనూ పాల్గొనబోతున్నారు. అలాగే రాజకీయ కార్యకలాపాలు కూడా.
ఇక, ఈ సినిమా అటకెక్కేసినట్లే అనుకుంటే, అనూహ్యంగా సెట్స్ మీదికొచ్చేసింది. మార్చిలో సినిమా రిలీజ్ డేట్ కూడా ఫిక్స్ చేసేశారు. ‘హరి హర వీరమల్లు’ షూటింగ్‌ని ఓ కొలిక్కి తెచ్చేశాకా, ‘ఓజీ’ మిగిలిన పార్ట్ షూటింగ్ కంప్లీట్ చేసేయనున్నారట పవన్ కళ్యాణ్.