దుబాయ్: రాబోయే బ్లూ లైన్‌లోని కొత్త దుబాయ్ మెట్రో స్టేషన్‌ల భవిష్యత్ డిజైన్‌లు ఆకట్టుకుంటున్నాయి.  గ్లోబల్ రైల్ కాన్ఫరెన్స్‌లో రోడ్స్ అండ్ ట్రాన్స్‌పోర్ట్ అథారిటీ (RTA) స్టాండ్‌లో నమూనాను ఇటీవల ప్రదర్శించారు. ప్రధాన ప్లాట్‌ఫారమ్‌ పెద్ద ఓవల్-ఆకారపు డిజైన్‌తో ట్రాక్‌లపై వంపు తిరిగి ఉంది. ఈ డిజైన్ రెడ్, గ్రీన్ లైన్‌లలో ప్రస్తుతం ఉన్న స్టేషన్‌ల కంటే భిన్నంగా ఉంది. మిర్డిఫ్, ఇంటర్నేషనల్ సిటీ, అకాడెమిక్ సిటీతో సహా దుబాయ్‌లోని అత్యంత జనసాంద్రత కలిగిన కొన్ని ప్రాంతాలకు బ్లూ లైన్ ఎలా సేవలందిస్తుందో RTA స్టాండ్‌లో వీడియో ద్వారా ప్రదర్శన ప్రదర్శించారు.  2029లో పూర్తి కానున్న 30కి.మీ బ్లూ లైన్, ప్రస్తుతం ఉన్న రెడ్ - గ్రీన్ లైన్ల మధ్య కీలకమైన ఇంటిగ్రేషన్ పాయింట్‌గా కూడా పనిచేస్తుంది. ఈ అభివృద్ధి విస్తృత దుబాయ్ 2040 అర్బన్ మాస్టర్ ప్లాన్‌లో భాగంగా నిర్మిస్తున్నారు.