కువైట్: డ్రగ్స్, ఆల్కహాల్‌ స్మగ్లింగ్ ను అధికారులు అడ్డుకున్నారు. దీనికి సంబంధించి పలువురిని అరెస్టు చేశారు. ఈమేరకు అంతర్గత మంత్రిత్వ శాఖ ప్రకటించింది. అరెస్టయిన వారిలో అంతర్గత వ్యవహారాల మంత్రిత్వ శాఖలో పనిచేసే అధికారి, మద్యం దిగుమతికి సహకరించిన నలుగురు ఆసియన్లు ఉన్నారు. వారి వద్ద నుంచి దిగుమతి చేసుకున్న ఆల్కహాల్, హషీష్, కువైట్ జాతీయ కరెన్సీ, యుఎస్ డాలర్‌లతోపాటు సుమారు 3,000 సీసాలు స్వాధీనం చేసుకున్నట్లు తెలిపారు. స్వాధీనం చేసుకున్న వస్తువుల మార్కెట్ విలువ 200,000 కువైట్ దినార్లుగా అంచనా వేసినట్టు  మంత్రిత్వశాఖ వెల్లడించింది.