శాన్ ఫ్రాన్సిస్కో: శాన్ ఫ్రాన్సిస్కోలో జరిగిన నాల్గవ వార్షిక వరల్డ్ ఎకనామిక్ ఫోరమ్ అర్బన్ ట్రాన్స్‌ఫర్మేషన్ సమ్మిట్‌లో సౌదీ పర్యాటక మంత్రి అహ్మద్ అల్-ఖతీబ్ ప్రసంగించారు.  ప్రస్తుతం, భవిష్యత్తులో ట్రావెల్ అండ్ టూరిజం రంగానికి స్థిరమైన అభివృద్ధి కార్యక్రమాలను తీసుకు రావాల్సిన అవసరం ఉందని స్పష్టం చేశారు. పర్యాటక వృద్ధి రద్దీతో పర్యావరణ సంబంధిత  సవాళ్లను తెస్తుందని తెలిపారు. ఆ సవాళ్లను ఎదుర్కొనే విధానలపై ప్రపంచ దేశాలు సంయుక్తంగా పనిచేయాలని పిలుపునిచ్చారు. పర్యావరణాన్ని రక్షించి భవిష్యత్ తరాలకు అందజేయాలని, సానుకూల మార్పులతో  పర్యాటకాన్ని పునర్నిర్మించాలని కోరారు. సౌదీ అరేబియాలో భవిష్యత్తు సౌదీ నగరాల నిర్మాణ కార్యక్రమంలో టూరిజానికి ప్రత్యేక స్థానం కల్పిస్తున్నట్లు పేర్కొన్నారు. అల్-ఖతీబ్ “షేపింగ్ ది ఫ్యూచర్ ఆఫ్ టూరిజం”, “ది ఫ్యూచర్ ఆఫ్ ట్రావెల్ అండ్ టూరిజం” అనే ఎగ్జిక్యూటివ్ రౌండ్‌టేబుల్ చర్చలో కూడా పాల్గొన్నారు.