ఇండియన్ ఇన్‌స్టిట్యూట్ ఆఫ్ టెక్నాలజీ, ఐఐటీ కాన్పూర్ జాయింట్ ఎంట్రన్స్ ఎగ్జామినేషన్ (అడ్వాన్స్‌డ్) 2025కి సవరించిన అర్హత ప్రమాణాలను విడుదల చేసింది.లేటెస్ట్ అప్‌డేట్ ప్రకారం.. జేఈఈ అడ్వాన్స్‌డ్‌లో హాజరు అయ్యేందుకు చేసిన ప్రయత్నాల సంఖ్య వరుసగా 3 సంవత్సరాల్లో 3కి పెరిగింది. అభ్యర్థులు సవరించిన జేఈఈ అడ్వాన్స్‌డ్ 2025 అర్హత ప్రమాణాలను ఈ కింది విధంగా చెక్ చేయొచ్చు.

జేఈఈ అడ్వాన్స్‌డ్ 2025 అర్హత ప్రమాణాలివే:
జేఈఈ మెయిన్ 2025లో జేఈఈ (మెయిన్) 2025 పేపర్ (పేపర్ I) పర్ఫార్మెన్స్, జేఈఈ అడ్వాన్స్‌డ్ 2025కి దరఖాస్తు చేసుకోవాలనుకునే అభ్యర్థులు బీఈ/బీ.టెక్‌లో టాప్ 2,50,000 అభ్యర్థుల్లో (అన్ని కేటగిరీలతో సహా) స్థానాన్ని పొందవలసి ఉంటుంది.

వయోపరిమితి: జేఈఈ అడ్వాన్స్‌డ్ 2025కి దరఖాస్తు చేసుకునే అభ్యర్థులు అక్టోబర్ 1, 2000న లేదా ఆ తర్వాత జన్మించి ఉండాలి. ఎస్సీ, ఎస్టీ, పీడబ్ల్యూడీ అభ్యర్థులకు ఐదేళ్ల వయోపరిమితి సడలింపు ఉంటుంది. ఈ అభ్యర్థులు అక్టోబర్ 1, 1995న లేదా ఆ తర్వాత జన్మించి ఉండాలి.

ప్రయత్నాల సంఖ్య: అభ్యర్థి వరుసగా 3 ఏళ్లలో గరిష్టంగా 3 సార్లు జేఈఈ (అడ్వాన్స్‌డ్) ప్రయత్నించవచ్చు.

అర్హత: XII తరగతి (లేదా తత్సమానం) అభ్యర్థి మొదటిసారిగా 2023 లేదా 2024 లేదా 2025లో ఫిజిక్స్, కెమిస్ట్రీ, గణితం తప్పనిసరి సబ్జెక్టులుగా XII తరగతి (లేదా తత్సమానం) పరీక్షకు హాజరై ఉండాలి. 2022లో లేదా అంతకుముందు మొదటిసారిగా XII తరగతి (లేదా తత్సమానం) పరీక్షలో హాజరైన అభ్యర్థులు, జేఈఈ (అడ్వాన్స్‌డ్) 2025లో హాజరు అయ్యేందుకు అర్హులు కాదు.

జేఈఈ మెయిన్ 2025:
జాయింట్ ఎంట్రన్స్ ఎగ్జామినేషన్ (JEE) మెయిన్ 2025 కోసం దరఖాస్తు ప్రక్రియ జరుగుతోంది. ఆసక్తి, అర్హత కలిగిన అభ్యర్థులు జేఈఈ మెయిన్ 2025 జనవరి సెషన్‌కు అధికారిక వెబ్‌సైట్ (http://jeemain.nta.nic.in)లో నవంబర్ 22, 2024లోపు దరఖాస్తు చేసుకోవచ్చు.

జేఈఈ మెయిన్ 2025 కోసం ఎలా దరఖాస్తు చేయాలి?

• అధికారిక వెబ్‌సైట్‌ను (http://jeemain.nta.nic.in) విజిట్ చేయండి.
• హోమ్‌పేజీలో “JEE (మెయిన్) కోసం ఆన్‌లైన్ దరఖాస్తు ఫారమ్ 2025 సెషన్-1” లింక్‌పై క్లిక్ చేయండి.
• ఇప్పుడు “కొత్త రిజిస్ట్రేషన్” ట్యాబ్‌పై క్లిక్ చేసి అవసరమైన వివరాలతో రిజిస్టర్ చేసుకోండి.
• ఇప్పుడు సిస్టమ్‌లో రూపొందించిన రిజిస్ట్రేషన్ నంబర్, పాస్‌వర్డ్‌తో లాగిన్ చేసి దరఖాస్తు ఫారమ్‌ను నింపండి.
• దరఖాస్తు రుసుము చెల్లించి దరఖాస్తు ఫారమ్‌ను సమర్పించండి.
• దరఖాస్తు ఫారమ్ ప్రింటవుట్ తీసుకోండి.
• ఫ్యూచర్ రిఫరెన్స్ కోసం దగ్గర ఉంచుకోండి.