మనలో చాలా మంది బ్రేక్‌ఫాస్ట్‌లో గుడ్డును ఎక్కువగా తీసుకుంటారు. గుడ్డులో ప్రొటీన్లు పుష్కలంగా ఉండటంలో ఫిట్‌నెస్ ప్రియులు దీనిని ఎక్కువ తినడానికి ఇష్టపడుతున్నారు. కొంతమంది దీనిని పచ్చిగా తింటారు. మరికొందరు ఆమ్లెట్ వేసుకుని తింటారు. అయితే ఉడికించిన గుడ్లు ఆరోగ్యానికి మరింత మేలు చేస్తాయి. బ్యాచిలర్స్ అయితే గుడ్డు మీద రకరకాల ప్రయోగాలు చేస్తుంటారు. బ్యాచిలర్స్ గుడ్డుతోనే ఎక్కువ కూరలు చేసుకుంటూ ఉంటారు. గుడ్డులో అనేక పోషకాలు ఉంటాయి.

ప్రోటీన్లు, విటమిన్లు, సెలెనియం, ఐరన్ వంటి ఖనిజాలు గుడ్డులో లభిస్తాయి. గుడ్లు తినడం వల్ల ఎముకలు బలంగా మారతాయి. గుండె ఆరోగ్యానికి మంచిది. చర్మ, జుట్టు సంరక్షణలో కీలకపాత్ర పోషిస్తుంది. ఇలా చెప్పుకుంటే పోతే బోలెడు ప్రయోజనాలు గుడ్డు తినడం వల్ల శరీరానికి అందుతాయి. అయితే, గుడ్డుతో పాటు కొన్ని ఫుడ్స్‌ను కలిపి తినకూడదు. గుడ్డు తిన్న వెంటనే లేదా గుడ్డుతో పాటు తినకూడని ఫుడ్స్ ఉన్నాయి. ఇవి తింటే ఆరోగ్యానికి ప్రమాదం. ఆ ఫుడ్స్ ఏంటో ఇక్కడ తెలుసుకుందాం.

చాలా మంది గుడ్డును బ్రేక్ ‌ఫాస్ట్‌లో తింటుంటారు. తిన్న తర్వాత టీ లేదా కాఫీ తాగుతుంటారు. అయితే, ఈ ఫుడ్ కాంబినేషన్ ఎంత మాత్రం మంచి కాదంటున్నారు నిపుణులు. ఈ రెండింటిని కలిపి తీసుకోవడం వల్ల కడుపులో గందరగోళం ఏర్పడుతుంది. అజీర్తి, ఉబ్బరం, కడుపు నొప్పి వంటి సమస్యలు వచ్చే ప్రమాదముంది. అందుకే ఈ కాంబినేషన్‌‌కు దూరంగా ఉండాలి.

చక్కెర, గుడ్డు కూడా కలిపి తినకూడదు. చక్కెరలో అమైనో అమ్లాలు విడుదలవుతాయి. గుడ్డు నుంచి కూడా విడుదలవుతాయి. ఈ రెండింటిని కలిపి తినడం వల్ల వీటి మోతాదు ఎక్కువుతుంది. అప్పుడు అమైనో అమ్లాలు విషపూరితంగా మారతాయి. దీంతో.. మీ ఆరోగ్యానికి ఈ ఫుడ్ కాంబినేషన్ చాలా డేంజర్. ఈ రెండింటిని కలిపి తినడం వల్ల రక్తం గడ్డకట్టే ప్రమాదముందని నిపుణులు హెచ్చరిస్తున్నారు.

గుడ్డు, అరటిపండు కలిపి తినకూడదంటున్నారు నిపుణులు. వీటిని విడి విడిగా తింటే ఎటువంటి ప్రమాదం లేదు. ఆరోగ్యానికి మంచిది. కానీ, కలిపి తింటేనే ఎక్కువ ప్రమాదమంటున్నారు. వీటిలో ఫైబర్ ఎక్కువ ఉండటం వల్ల కలిపి తింటే జీర్ణ సమస్యలు వచ్చే ప్రమాదముంది. అజీర్తి, కడుపు నొప్పి, ఉబ్బరం, గ్యాస్ట్రిక్ సమస్యలు వస్తాయని నిపుణులు హెచ్చరిస్తున్నారు. అందుకే ఈ ఫుడ్ కాంబినేషన్‌కి దూరంగా ఉండాలని నిపుణులు సూచిస్తున్నారు.

సిట్రస్ పండ్లు లేదా ఏదైనా పుల్లటి పదార్థాలతో కలిపి గుడ్డును తినకూడదు. ఈ కాంబినేషన్ మీ పొట్ట ఆరోగ్యాన్ని పాడు చేస్తుంది. వీటిని కలిపి తీసుకోవడం వల్ల గ్యాస్ట్రిక్ సమస్యలు, ఉబ్బరం, తేన్పులు, వాంతులు, వికారం వచ్చే ప్రమాదముంది. అంతేకాకుండా గుండెల్లో మంట వచ్చే డేంజర్ ఉంది. అందుకే ఈ ఫుడ్ కాంబినేషన్‌కి దూరంగా ఉండాలి.

 గుడ్డు, పొట్లకాయను కలిపి తింటే జీర్ణ సంబంధ సమస్యలు వస్తాయని ఆయుర్వేద వైద్యులు అంటున్నారు. మన పెద్దలు కూడా ఇదే విషయాన్ని చెబుతుంటారు. గుడ్డులో ప్రోటీన్స్ ఎక్కువగా ఉంటాయని మనకి తెలుసు. అందుకే జీర్ణం అవడానికి చాలా సమయం పడుతుంది. ఇక, పొట్లకాయలో నీటి శాతం ఎక్కువగా ఉంది. ఇది త్వరగా జీర్ణమవుతుంది. ఈ రెండూ కలిసి తింటే జీర్ణ వ్యవస్థలో యాసిడ్ విడుదలై గ్యాస్ట్రిక్‌తో కడుపు సమస్యలు వస్తాయని నిపుణులు చెబుతున్నారు.

చికెన్ లేదా మటన్‌తో కలిపి గుడ్డును తింటారు. అయితే.. ఇది ఎంత మాత్రం మంచి నిర్ణయం కాదు. ఎందుకంటే గుడ్డులో ప్రోటీన్ ఎక్కువగా ఉంటుంది. అలాగే.. చికెన్, మటన్‌లో కూడా ప్రోటీన్ ఎక్కువ ఉంటుంది. ఈ రెండింటిని కలిపి తినడం వల్ల జీర్ణమవ్వడం కష్టమవుతుంది. ఆ తర్వాత అలసట, నీరసం వచ్చే ప్రమాదముంది. అందుకే ఈ ఫుడ్ కాంబినేషన్‌కి దూరంగా ఉండటమే ఉత్తమం అని నిపుణులు అంటున్నారు.