బాడీలో కొలెస్ట్రాల్ పెరిగితే అది ధమనుల్లో చేరుకుపోయి రక్త సరఫరాని కష్టంగా మారుస్తుంది. అందుకే, బాడీలో కొలెస్ట్రాల్ పెరగకుండా చూసుకోవాలి. దీనికోసం మనం కొన్ని హెల్దీ ఫుడ్స్‌ని తీసుకోవచ్చు. వీటిని తినడం వల్ల బాడీలోని కొలెస్ట్రాల్ తగ్గడంతో పాటు ధమనుల్లో రక్త ప్రవాహం సరిగా జరిగేలా చూస్తాయి.

నిజానికీ మనం సరైన ఫుడ్స్ తీసుకుంటే ఎలాంటి ఆరోగ్య సమస్యలు రావు. వచ్చినా త్వరగానే అవి తగ్గిపోతాయి. కాబట్టి, తాజా పండ్లు కూరగాయలు తీసుకోవాలి. మనం వీటిని మానేసి మన బాడీని కష్టపెడుతుంటాం. మనం తీసుకునే తాజా పండ్లు కూరగాయలు, సగంధ ద్రవ్యాల్లో ఎన్నో పోషకాలు ఉంటాయి. అంతేకాకుండా ఫైబర్, పాలీఫెనాల్స్, ఫ్లేవనాయిడ్స్, ఉంటాయి. ఇవి కొలెస్ట్రాల్, ఫలకాన్ని తగ్గించి వాపుని తగ్గిస్తాయి. కాబట్టి, రెగ్యులర్‌గా ఈ ఫుడ్స్ తీసుకోవడం మంచిది. మరి అలాంటి ఫుడ్స్ ఏంటో తెలుసుకోండి.

1. మనం ఉల్లిపాయల్ని రెగ్యులర్‌గా వంటల్లో వాడతాం. వీటిని తీసుకోవడం వల్ల కూడా ధమనుల ఆరోగ్యానికి హెల్ప్ అవుతుంది. ఉల్లిపాయలు తినడం వల్ల అథెరోస్ల్కెరోసిస్ రిస్క్ తగ్గుతుంది. ఉల్లిలోని సల్ఫర్ రక్తనాళాల వాపును తగ్గిస్తాయి. ఈ కారణంగా అథెరోస్ల్కెరోసిస్ సమస్య తగ్గి ధమనుల ఆరోగ్యం మెరుగుపడుతుంది.

2. సిట్రస్ ఫ్రూట్స్‌లో విటమిన్స్, మినరల్స్, యాంటీ ఆక్సిడెంట్స్, ఫ్లేవనాయిడ్స్ ఎక్కువగా ఉంటాయి. సిట్రస్ ఫ్రూట్స్‌లోని ఫ్లేవనాయిడ్స్ ఇన్‌ఫ్లమేషన్‌ని తగ్గిస్తాయి. వీటిని తీసుకోవడం వల్ల బాడీలోని చెడు కొలెస్ట్రాల్ తగ్గుతుంది. దీని వల్ల గుండె సమస్యలు దూరమై గుండెకి మేలు జరుగుతుంది.

3. బెర్రీస్‌లో పోషకాలు, పాలీఫెనాల్స్, ఫ్లేవనాయిడ్స్ పుష్కలంగా ఉంటాయి. వీటిని తినడం వల్ల బాడీలో కొలెస్ట్రాల్ తగ్గుతాయి. అంతేకాకుండా గుండెకి కూడా చాలా మంచివి. ఈ బెర్రీస్‌లోని గుణాలు బాడీలోని ఇన్‌ఫ్లమేషన్‌ని తగ్గిస్తాయి. దీంతో గుండె ఆరోగ్యం మెరుగుపడుతుంది. బ్లూ బెర్రీస్, స్ట్రాబెర్రీస్, క్రాన్ బెర్రీస్, రాస్ప్ బెర్రీస్, బ్లాక్ బెర్రీస్. ఇలా ఏ బెర్రీస్‌లో అయినా ఫైబర్, విటమిన్స్, మినరల్స్, ప్లాంట్ బేస్డ్ కాంపౌండ్స్ ఉంటాయి. వీటితో పాటు ఇందులో ఫ్లేవనాయిడ్ యాంటీ ఆక్సిడెంట్స్, పాలీఫెనాల్స్ ఉంటాయి. వీటిని తినడం వల్ల గుండె ఆరోగ్యానికి ఇవి చాలా మంచివి. వీటిని తినడం వల్ల చెడు కొలెస్ట్రాల్ తగ్గుతుంది. బీపి, బ్లడ్ షుగర్ లెవల్స్ తగ్గుతాయి. వీటిని తినడం వల్ల బాడీలో ఇన్‌ఫ్లమేషన్, కొలెస్ట్రాల్ తగ్గి ధమనుల పనితీరు మెరుగ్గా మారుతుంది. బెర్రీస్ తింటే ధమనుల్లో అడ్డుపడే కొలెస్ట్రాల్‌ని తగ్గించొచ్చు.

4. టమాటల్లో ప్లాంట్ కాంపౌండ్స్ ఉంటాయి. ఇవి అథెరోస్క్లెరోసిస్ సమస్యని తగ్గుతుంది. టమాటల్లో లైకోపీన్ ఉంటుంది. దీనిని తీసుకోవడం వల్ల ఇన్‌ఫ్లమేషన్ తగ్గుతుంది. మంచి కొలెస్ట్రాల్ పెరుగుతుంది. దీంతో గుండె సమస్యలు దూరమవుతాయి. టమాటల్ని ఆలీవ్ ఆయిల్‌తో కలిపి తీసుకోవడం వల్ల ధమనుల్లో కొలెస్ట్రాల్‌ తగ్గేందుకు హెల్ప్ అవుతుంది.

5. అల్లం, మిరియాలు, మిర్చి, దాల్చిన చెక్క ధమనులని క్లియర్ చేయడంలో హెల్ప్ చేస్తాయి. మసాలా పదార్థాల్లో యాంటీ ఇన్‌ఫ్లమేటరీ గుణాలు ఉన్నాయి. వీటిని తీసుకోవడం వల్ల ఫ్రీ రాడికల్స్ తగ్గుతాయి. రక్తంలోని లిపిడ్ స్థాయిలు మెరుగ్గా మారతాయి. రక్తంలో ప్లేట్‌లెట్స్ కలిసి ఉండడాన్ని తగ్గిస్తుంది. వీటిని మీరు వంటల్లో మ్యాపీగా వాడుకోవచ్చు.

6. బీన్స్‌లో ఫైబర్ ఎక్కువగా ఉంటుంది. వీటిని తినడం వల్ల అథెరోస్క్లెరోసిస్ సమస్య తగ్గుతుంది. బీన్స్ తింటే కొలెస్ట్రాల్ స్థాయిలు తగ్గేందుకు మెల్ప్ చేస్తాయి. ఇవి మీ ధమనుల్లో అడ్డుపడే ప్రమాదాన్ని తగ్గుతుంది. బీన్స్ తినడం వల్ల చెడు కొలెస్ట్రాల్ తగ్గుతుంది. దీంతో పాటు రక్తపోటు తగ్గుతుంది. రక్తంలో ట్రై గ్లిజరైడ్స్ లెవల్స్ తగ్గుతాయి. చెడు కొలెస్ట్రాల్ తగ్గుతాయి. వాపు తగ్గుతుంది. ధమనుల పనితీరు మెరుగ్గా పెరుగుతుంది. శరీర బరువు, నడుము చుట్టుకొలత తగ్గుతుంది. కొలన్ హెల్త్ బాగుంటుంది. ఈ కారణంగా అథెరోస్క్లెరోసిస్ ప్రమాదం తగ్గుతుంది.