లెజెండ్ బాలకృష్ణ ఇప్పుడు మహా స్పీడుమీదున్నాడు. ప్రస్తుతం తన 100వ సినిమా గౌతమీపుత్ర శాతకర్ణి ... షూటింగ్ లో బిజీగా ఉన్న బాలయ్య తన 101, 102, 103 సినిమాలను వెల్లడించాడు. బాలకృష్ణ 101వ సినిమాను కృష్ణవంశీ డైరెక్ట్ చేయబోతున్నాడు. ప్రస్తుతం కృష్ణవంశీ...బాలయ్య బాబుతో చేసే సినిమాకు స్క్రిప్ట్ వర్క్ లో ఉన్నాడట. కృష్ణవంశీ సినిమా అంటే వెరైటీగా ఉంటుందని అందరూ ఎక్స్ పెక్ట్ చేస్తారు. ఆ అంచనాలకు తగ్గట్టే వంశీ స్టోరీని తయారు చేస్తున్నాడని తెలుస్తోంది. అంతేకాదు... బాలకృష్ణ తను చేయబోయే 102, 103 సినిమాలను కూడా ప్రకటించేశాడు. ఇది విని బాలయ్య ఫ్యాన్స్ ఆనందాశ్చర్యాలలో మునిగిపోయారు. 102వ సినిమాకు బోయపాటి డైరెక్ట్ చేయబోతున్నాడని తెలుస్తుంటే, 103వ సినిమాను అనీల్ రావిపూడి తెరకెక్కించనున్నాడని టాక్. బాలయ్య వందో చిత్రం త్వరలో జార్జియాలో షూటింగ్ జరుపుకోనుండగా, జూలై 4న బాలయ్య మూవీ టీంతో కలవనున్నాడని సమాచారం.