దుబాయ్: జుమేరా ప్రాంతంలోని వైల్డ్ వాడి వాటర్ పార్క్‌లో అగ్నిప్రమాదం చోటుచేసుకుంది. దుబాయ్ సివిల్ డిఫెన్స్ కథనం ప్రకారం.. మధ్యాహ్నం 1 గంటలకు ప్రమాదం సంభవించింది. ఇది ప్లాస్టిక్ వ్యర్థాల వల్ల జరిగిందని తెలిపింది. మంటలను వెంటనే అదుపులోకి తీసుకొచ్చామని ప్రకటించింది. జుమేరా ప్రాంతంలో దట్టమైన పొగమంచు రావడాన్ని నివాసితులు చూశారు. అగ్నిమాపక సిబ్బంది ఏడు నిమిషాలలోపు సంఘటనా స్థలానికి చేరుకుని మంటలను అదుపుచేశారు. ఎటువంటి ప్రాణనష్టం జరగలేదని తెలిపారు.