కువైట్: కువైట్ లో రాబోయే నాలుగు రోజులపాటు వర్షాలు కురువనున్నాయి.మోస్తరు నుంచి భారీ వర్షాలు కురుస్తాయని కువైట్ వాతావరణ శాఖ అలెర్ట్ జారీ చేసింది. వర్షంతో పాటు ఉరుములు, బలమైన గాలులు వీస్తాయని, గంటకు 50 కి.మీ కంటే ఎక్కువ వేగంతో గాలులు ఉంటాయని, దాంతో కొన్ని ప్రాంతాల్లో హారిజంటాల్ విజిబిలిటీ తగ్గుతుందని, సముద్ర అలలు 6 అడుగుల కంటే ఎక్కువగా ఉంటాయని  డిపార్ట్‌మెంట్ యాక్టింగ్ డైరెక్టర్ ధీరార్ అల్-అలీ తెలిపారు. శనివారం మధ్యాహ్నం వాతావరణ పరిస్థితులు క్రమంగా మెరుగుపడతాయని అల్-అలీ అన్నారు. డిపార్ట్‌మెంట్ వెబ్‌సైట్, అధికారిక మొబైల్ అప్లికేషన్ ద్వారా వాతావరణ బులెటిన్‌ను ఫాలో కావాలని ఆయన సూచించారు.