హైదరాబాద్: ప్రముఖ రచయిత్రి డాక్టర్ తెన్నేటి సుధ,ఆమె తల్లి గారైన స్వర్గీయ తెన్నేటి అహల్యాదేవి పేర స్థాపించిన పురస్కారాన్ని ప్రముఖ రచయిత్రి, విదుషీమణి అరుణ వ్యాస్ కు మార్చి 11వ తేదీన గచ్చిబౌలిలోని ఆమె నివాసంలో బహూకరించారు.ఈ కార్యక్రమంలో లేఖిని అధ్యక్షురాలు, ప్రముఖ రచయిత్రి అత్తలూరు విజయలక్ష్మి, వంశీ ఇంటర్నేషనల్ వ్యవస్థాపకులు డా.వంశీ రామరాజు పాల్గొన్నారు.ఈ సందర్భంగా అరుణ వ్యాస్ కృతజ్ఞతలు తెలియజేస్తూ తనకు 'తెన్నేటి అహల్యాదేవి పురస్కారం' బహూకరించడం తో తమ హర్షాన్ని తెలియజేశారు.వంశీ రామరాజు తాను రచించిన  'నా స్మృతి పథంలో...'గ్రంథాన్ని శ్రీమతి అరుణా వ్యాస్ కి డా.తెన్నేటి సుధా దేవితో కలిసి బహూకరించారు.