రియాద్: సౌదీ సెంట్రల్ బ్యాంక్ (SAMA) ప్రకారం.. 2024లో సౌదీ అరేబియాలో మొత్తం రిటైల్ చెల్లింపులలో ఎలక్ట్రానిక్ చెల్లింపులు 79% వాటా కలిగి ఉన్నాయి. ఇది 2023లో 70% గా ఉంది. సౌదీ విజన్ 2030 కింద ఆర్థిక రంగ అభివృద్ధి కార్యక్రమంలో భాగంగా డిజిటల్ పేమెంట్స్ ప్రతిబింబిస్తుందని పేర్కొన్నారు. సౌదీలో చెల్లింపు వ్యవస్థలలో గణనీయమైన వృద్ధికి అనుగుణంగా ఈ పెరుగుదల ఉందని, నగదు రహిత ఎలక్ట్రానిక్ చెల్లింపు లావాదేవీలు 2024లో 12.6 బిలియన్లకు చేరుకున్నాయని, ఇది మునుపటి సంవత్సరంలో 10.8 బిలియన్లుగా ఉందని పేర్కొన్నారు.

సౌదీ అరేబియా ఇటీవలి సంవత్సరాలలో డిజిటల్ చెల్లింపు పద్ధతులను ప్రోత్సాహించేందుకు SAMA అనేక కార్యక్రమాలను ప్రవేశపెట్టింది.  ఈ ప్రయత్నాలు చెల్లింపుల పర్యావరణ వ్యవస్థను బలోపేతం చేయడం, దేశవ్యాప్తంగా డిజిటల్ పరిష్కారాల వినియోగాన్ని విస్తృతం చేయడం లక్ష్యంగా పెట్టుకున్నాయి. ఆర్థిక కార్యకలాపాలకు మద్దతు ఇవ్వడానికి, నగదు లావాదేవీలపై ఆధారపడటాన్ని మరింత తగ్గించడానికి భాగస్వాములతో కలిసి పనిచేస్తామని కేంద్ర బ్యాంకు తెలిపింది.