దుబాయ్: కృత్రిమ మేధస్సు (AI) , బిగ్ డేటాను ఉపయోగించి దుబాయ్ డ్రైవర్ల స్కోర్‌లను వారి ప్రమాదాలు, జరిమానాలు, బ్లాక్ పాయింట్స్ ప్రొఫైల్ ఆధారంగా లెక్కించే కొత్త వేదికను అభివృద్ధి చేశారు.  దుబాయ్ రోడ్స్ అండ్ ట్రాన్స్‌పోర్ట్ అథారిటీ (RTA) రూపొందించిన ఈ కార్యక్రమం ప్రస్తుతం ట్రయల్ రన్‌లో ఉంది. దీనిని త్వరలో ప్రజలకు అందుబాటులోకి తీసుకువచ్చేందుకు ప్రయత్నాలు సాగుతున్నాయి.   

డ్రైవర్ రిస్క్ స్కోర్ అని పేరు పెట్టబడిన ఈ కొత్త వేదక.. ప్రమాదకర డ్రైవర్ల ప్రవర్తనను విశ్లేషించడానికి,  మెరుగుపరచడానికి సహాయపడుతుందని కార్పొరేట్ టెక్నికల్ సపోర్ట్ సర్వీసెస్ సెక్టార్, CAIO, RTA ఎగ్జిక్యూటివ్ డైరెక్టర్ మొహమ్మద్ అల్ ముధర్రెబ్ తెలిపారు. బిగ్ డేటా ప్లాట్‌ఫామ్ ద్వారా సంస్థలోని వివిధ ఇన్‌పుట్‌లను మెరుగుపరచడం ద్వారా ఈ పరిష్కారాన్ని అభివృద్ధి చేసినట్లు చెప్పారు.

“డ్రైవర్లు ఎమిరేట్స్ ఐడి,  డ్రైవింగ్ లైసెన్స్‌ను నమోదు చేయవచ్చు. మీ ప్రవర్తన, ట్రాఫిక్ జరిమానాలు, స్కోర్‌ను నిర్వచించే వివిధ అంశాలను పరిశీలిస్తే, మీరు (డ్రైవర్) ఒక వ్యక్తిగా ఎంత ప్రమాదకరమో పరిష్కారం మీకు తెలియజేస్తుంది. ఇది కారు బీమా కంపెనీలకు ప్రయోజనకరంగా ఉంటుంది.”అని సోమవారం దుబాయ్ AI వీక్‌లో జరిగిన ప్యానెల్ చర్చ సందర్భంగా అల్ ముదర్రెబ్ అన్నారు

దుబాయ్‌లో జనాభా పెరుగుదల కారణంగా ట్రాఫిక్‌లో భారీ పెరుగుదల నమోదవుతుంది. ప్రస్తుతం ఇది 3.926 మిలియన్లకు చేరుకుంది. దుబాయ్‌లో సలిక్-రిజిస్టర్డ్ వాహనాల సంఖ్య కూడా 2023లో 4.013 మిలియన్ల నుండి 2024లో 4.382 మిలియన్లకు పెరిగింది.