కువైట్: పబ్లిక్ అథారిటీ ఫర్ ఇండస్ట్రీ (PAI) నేతృత్వంలోని కువైట్ ప్రతినిధి బృందం ఏప్రిల్ 24 నుండి 26 వరకు ముంబైలో జరిగే ఇండియా స్టీల్ 2025 ప్రదర్శనలో పాల్గొంటోంది. ఎగుమతి అభివృద్ధి కోసం తాత్కాలిక డిప్యూటీ డైరెక్టర్ జనరల్ మెష్రీ అల్ మ‌నావ‌ర్ మాట్లాడుతూ.. ఈ పర్యటన కువైట్ తన పారిశ్రామిక రంగాన్ని బలోపేతం చేయడానికి వ్యూహాన్ని సమర్థిస్తుందని పేర్కొన్నారు.  

కువైట్ బృందంలో అనేక మంది వ్యాపారవేత్తలు, ప్రముఖ మెటల్ ఫ్యాక్టరీల ప్రతినిధులు ఉన్నారు.  తాజా సాంకేతిక పరిజ్ఞానాలను అన్వేషించడం, కొత్త పెట్టుబడులు,  భాగస్వామ్య అవకాశాలను కోరుకోవడం లక్ష్యంగా పెట్టుకున్నారు. ప్రపంచ పరిశ్రమ నాయకులతో సంబంధాలను ఏర్పరచుకోవాలని, మెటల్ తయారీ మార్కెట్‌లో కువైట్ పాత్రను పెంచాలని ప్రతినిధి బృందం ఆశిస్తోందని తెలిపారు.