దుబాయ్: ఈ ఏడాది జనవరి నుండి మార్చి వరకు ప్రపంచవ్యాప్తంగా 5.31 మిలియన్ల మంది సందర్శకులను దుబాయ్ స్వాగతించింది. ఇది 2024 మొదటి మూడు నెలలతో పోలిస్తే 3 శాతం వార్షిక (సంవత్సరానికి) పెరుగుదల అని ఆర్థిక, పర్యాటక శాఖ (DET) శనివారం ప్రకటించింది. "ఈ బలమైన వృద్ధి, ప్రపంచ ఆకర్షణను తెలుపుతుంది. 2024లో మొత్తం 9 శాతం వృద్ధి (18.72 మిలియన్ల) రికార్డు తర్వాత (2023 నుండి) దుబాయ్‌ను (పర్యాటకంలో) కొత్త ప్రమాణాలను నెలకొల్పే దిశగా సాగుతోంది." అని DETలో భాగమైన దుబాయ్ కార్పొరేషన్ ఫర్ టూరిజం అండ్ కామర్స్ మార్కెటింగ్ (DCTCM) సీఈవో ఇస్సామ్ కాజిమ్ పేర్కొన్నారు.
జనవరి నుండి మార్చి 2025 వరకు పశ్చిమ యూరప్ ప్రాంతం దుబాయ్ అతిపెద్ద సోర్స్ మార్కెట్‌గా (1.15 మిలియన్ల సందర్శకులు) మొత్తం వాటాలో 22 శాతంగా ఉంది. దీని తర్వాత CIS (కామన్వెల్త్ ఆఫ్ ఇండిపెండెంట్ స్టేట్స్), తూర్పు యూరప్ 891,000 (లేదా 17 శాతం వాటా), GCC 772,000 (15 శాతం) సందర్శకులతో ఉన్నాయి. దక్షిణాసియా, MENA వరుసగా 752,000 (14 శాతం), 620,000 (12 శాతం) సందర్శకులతో నాల్గవ, ఐదవ స్థానంలో ఉన్నాయి. ఈశాన్య ఆసియా, ఆగ్నేయాసియా ప్రాంతం దుబాయ్‌కి 474,000 సందర్శకులు (9 శాతం వాటా) తరలి వచ్చారు. ఆ తరువాత అమెరికా 374,000 (7 శాతం), ఆఫ్రికా 197,000 (4 శాతం), ఆస్ట్రలేసియా 78,000 (1 శాతం) సందర్శకులతో జాబితాలో తర్వాతి స్థానంలో ఉన్నాయి. 
2025 మొదటి త్రైమాసికంలో దుబాయ్ హాస్పిటాలిటీ రంగం బలమైన పనితీరును నమోదు చేసింది. ADR లేదా సగటు రోజువారీ రేటు (ఆక్రమిత గదుల సగటు రోజువారీ ఆదాయాన్ని లెక్కించడానికి ఉపయోగించే కొలత) సంవత్సరానికి 2 శాతం పెరిగి Dh647కి చేరుకుంది. దుబాయ్ స్థూల దేశీయోత్పత్తి (GDP) వృద్ధికి పర్యాటకం, ఆతిథ్యం కీలకమైన భాగస్వాములుగా కొనసాగుతున్నాయి. 2024 మొదటి తొమ్మిది నెలల్లో వసతి, ఆహార సేవల రంగం 3.7 శాతం వృద్ధిని సాధించి, దిర్హామ్‌ల 11.5 బిలియన్లకు చేరుకుంది. ఈ రంగాలు ఎమిరేట్‌కు విదేశీ ప్రత్యక్ష పెట్టుబడులను (FDI) ఆకర్షించడంలో కూడా కీలక పాత్ర పోషించాయి. 2024లో దుబాయ్ వరుసగా నాలుగో సంవత్సరం గ్రీన్‌ఫీల్డ్ FDI ప్రాజెక్టులను ఆకర్షించడంలో ప్రపంచంలోనే అగ్రస్థానంలో నిలిచింది. ఆహారం, పానీయాలు (F&B) మరియు పర్యాటక రంగాలలో ప్రపంచవ్యాప్తంగా నం.1 స్థానంలో దుబాయ్ ఉందని DET తన ప్రకటనలో వెల్లడించింది.