మెగాస్టార్ చిరంజీవితో తాను సినిమా చేయాల్సి వస్తే కచ్చితంగా కామెడీ సబ్జెక్టును ఎంచుకుంటానని దర్శకుడు కోదండరామిరెడ్డి అన్నారు. గతంలో వీరిద్దరి కాంభినేషన్ తెలుగు ప్రేక్షకులకు పలు విజయవంతమైన చిత్రాలు అందించిన విషయం తెలిసిందే. కృష్ణా జిల్లా విజయవాడలో రోటరీ క్లబ్ సమావేశానికి ఈ దర్శకుడు హాజరయ్యాడు.ఈ సమావేశంలో కోదండరామిరెడ్డి మాట్లాడుతూ.. ఇప్పుడు మెగాస్టార్ చిరంజీవి సందేశాలు ఇస్తే ప్రేక్షకులు చూడరని చెప్పారు. ఏదో చేస్తానని చిరంజీవి అంటే ప్రేక్షకులు నవ్వుతారేమోనని అభిప్రాయపడ్డాడు. ఇప్పుడు చిరంజీవి చేస్తున్న సబ్జెక్ట్ ఏంటో తనకు తెలియదని వెల్లడించాడు. స్టార్ డైరెక్టర్ వి.వి.వినాయక్ దర్వకత్వంలో చిరంజీవి హీరోగా తెరకెక్కుతున్న కత్తిలాంటోడు సినిమాను చిరు తనయుడు రామ్ చరణ్ నిర్మిస్తున్నాడు.