యూఏఈ: 2020 పోర్ట్ బీరుట్ పేలుడులో ధ్వంసమైన లెబనాన్‌లోని 147 ఏళ్ల ఆసుపత్రిని పునర్నిర్మించారు. షార్జా కేంద్రంగా పనిచేసే ది బిగ్ హార్ట్ ఫౌండేషన్ (TBHF) 'సలాం బీరుట్' క్యాంపెయిన్ నుండి 8.7 మిలియన్ల దిర్హామ్‌లను సేకరించి ఆస్పత్రిని నిర్మించింది. సెయింట్ జార్జ్ హాస్పిటల్ యూనివర్శిటీ మెడికల్ సెంటర్ (SGHUMC)లోని కొత్త ERT యూనిట్ ఇప్పుడు ఏటా 40వేల మంది రోగులకు చికిత్స చేయగల కొత్త పీడియాట్రిక్ విభాగాన్ని కలిగి ఉందని TBHF ప్రకటించింది. ఈ ప్రాజెక్ట్ మానవతావాద పని అర్థవంతంగా, దీర్ఘకాలికంగా సేవలు అందించాలని కోరుకుంటున్నట్లు  TBHR డైరెక్టర్ అలియా అల్ ముసైబి పేర్కొన్నారు. పేలుడు అనంతరం ట్రామా కేర్ సెంటర్ దారుణంగా దెబ్బతిన్నదని, ఇప్పుడు పూర్తి సామర్థ్యంతో సేవలు అందించేందుకు సిద్ధంగా ఉందని తెలిపారు.