యూఏఈ: ఈద్ అల్ అధాకు నాలుగు రోజులపాటు ప్రభుత్వ సెలవులను షార్జా ప్రకటించింది.  ఈ సెలవులు జూన్ 5, అరాఫా దినోత్సవం నుండి ప్రారంభమై జూన్ 8 వరకు కొనసాగుతుంది.  షిఫ్ట్ ప్రాతిపదికన పనిచేసే ఉద్యోగులకు మినహాయింపు ఇచ్చారు. జూన్ 9 నుండి అధికారిక పనివేళలు తిరిగి ప్రారంభమవుతాయని ప్రకటించారు. షార్జా ప్రభుత్వ విభాగాలు, అధికారులు, సంస్థలలో పనిచేసే వారికి ఈ సెలవులు వర్తిస్తాయని పేర్కొన్నారు.   

ఫెడరల్ అథారిటీ ఆఫ్ హ్యూమన్ రిసోర్సెస్ యూఏఈలోని ప్రభుత్వ ఉద్యోగులకు ఈ సంవత్సరం ఈద్ అల్ అధాకు నాలుగు రోజులపాటు సెలవులు ప్రకటించింది. జుల్ హిజ్జా 9 నుండి జుల్ హిజ్జా 12 వరకు దేశం సెలవుదినాన్ని పాటిస్తుందని అథారిటీ విడుదల చేసిన ఒక ప్రకటనలో తెలిపింది. మే 27 సాయంత్రం జుల్ హిజ్జా నెలవంక కనిపించిన తర్వాత, జూన్ 6 నాడు యూఏఈ ఈద్ అల్ అధాను జరుపుకుంటుంది.