మస్కట్: పబ్లిక్ మోరల్ వయలేషన్ కు సంబంధించిన కేసులో నలుగురు వ్యక్తులను అదుపులోకి తీసుకున్నట్లు జనరల్ డిపార్ట్‌మెంట్ ఆఫ్ క్రిమినల్ ఇన్వెస్టిగేషన్ ప్రకటించింది. దీనికి సంబంధించిన వీడియో సోషల్ మీడియాలో వైరల్ కావడంతో చర్యలు తీసుకున్నట్లు తెలిపింది.“అరెస్టు అయిన వారిలో ఇరాన్ కు చెందిన ఇద్దరు మహిళలు, బంగ్లాదేశ్ కు చెందిన ఒకరు, ఒక సుడానీస్ వ్యక్తి ఉన్నారు. ప్రస్తుతం ఈ వ్యక్తులపై చట్టపరమైన చర్యలు కొనసాగుతున్నాయని అధికారులు తెలిపారు” అని రాయల్ ఒమన్ పోలీసులు వెల్లడించారు.