దుబాయ్: దుబాయ్ పోలీసులు బెగ్గింగ్ కార్యకలాపాలు నిర్వహిస్తున్న 41 మంది అరబ్ జాతీయులను అరెస్టు చేశారు. వారు విజిట్ వీసాలపై యూఏఈలోకి ప్రవేశించి, హోటల్‌లో ఉంటున్నారని తెలిపారు. వారి వద్ద 60,000 దిర్హామ్‌లకు పైగా దొరికాయన్నారు. జనరల్ డిపార్ట్‌మెంట్ ఆఫ్ క్రిమినల్ ఇన్వెస్టిగేషన్‌ తన అల్-మిస్బా అనే కోడ్‌నేమ్ తో నిర్వహించిన స్పెషల్ ఆపరేషన్‌లో భాగంగా ఈ అరెస్టులు జరిగాయని తెలిపారు. 901 కాల్ సెంటర్ కు వచ్చిన సమాచారంతో ఆపరేషన్ ప్రారంభమైందని తెలిపారు. విరాళాలు నిజంగా అవసరమైన వారికి చేరేలా చూసుకోవడానికి లైసెన్స్ పొందిన సంఘాలు , అధికారిక మార్గాల ద్వారా మాత్రమే ధార్మిక కార్యక్రమాలను నిర్వహించాలని దుబాయ్ పోలీసులు పిలుపునిచ్చారు.