మస్కట్: ఉద్యోగులు తరచుగా అధికారిక సెలవులను వారి వార్షిక సెలవులతో కలపడానికి ప్రయత్నిస్తారు.  కానీ వర్తించే చట్టాలు, కార్యాలయ విధానాల ఆధారంగా యజమానులు అలాంటి అభ్యర్థనను ఆమోదిస్తారా లేదా అన్నది చాలామందిలో సందేహం ఉంటుంది. ఒమన్‌లోని ప్రముఖ న్యాయ కార్యాలయమైన ముహమ్మద్ ఇబ్రహీం మాట్లాడుతూ.. ఆర్టికల్ 78 ప్రకారం, 'కార్మికులు సంవత్సరానికి 30 రోజుల వార్షిక సెలవులకు అర్హులు' అని వివరించారు. అయితే, అటువంటి సెలవులను షెడ్యూల్ చేయడం తప్పనిసరిగా పరిగణనలోకి తీసుకోవాలని, అదే సమయంలో వాటిని ఆమోదించడం లేదా తిరస్కరించడం అనేది యజమానుల విచక్షణను ఇస్తుందన్నారు. చట్టం సెలవులను వార్షిక సెలవులతో కలపడాన్ని స్పష్టంగా నిషేధించనప్పటికీ, రెండింటి మధ్య స్పష్టమై తేడాను చూపుతుంది. ఆర్టికల్ 79 వేతనంతో కూడిన అధికారిక సెలవులను ప్రత్యేక హక్కులుగా హామీ ఇస్తుంది. ఆర్టికల్ 78 యజమానితో పరస్పర ఒప్పందం ద్వారా వార్షిక సెలవులను షెడ్యూల్ చేయాలని కోరుతుందని డాక్టర్ మొహమ్మద్ ఇబ్రహీం అన్నారు.

అధికారిక సెలవులను వార్షిక సెలవులతో కలపాలనే ఉద్యోగి అభ్యర్థనలను తిరస్కరించే అధికారాన్ని యజమానులు కలిగి ఉంటారని, అటువంటి నిర్ణయాలు కార్యాచరణ అవసరాలకు అనుగుణంగా ఉంటే ఈ రెండు రకాల సెలవులను కలపడం హక్కు కాదని చట్టం చెబుతుందని అన్నారు.  ఆర్టికల్ 81 ప్రకారం.. యజమానులు వార్షిక సెలవులను విభాగాలుగా విభజించడానికి, వ్యాపార అవసరాల ఆధారంగా 06 నెలల వరకు వాయిదా వేయడానికి అనుమతిస్తుందని అన్నారు. మొత్తంగా వార్షిక సెలవులతో సెలవులను కలపడం చట్టపరంగా నిషేధించలేదు.  కానీ అది యజమాని ఆమోదం, కార్యాచరణ డిమాండ్లు, ఉద్యోగ ఒప్పందాల నిబంధనలు లేదా అంతర్గత విధానానికి లోబడి ఉంటాయని తెలిపారు. యజమానులు స్పష్టమైన సెలవు విధానాలను నిర్వహించాలని, విభేదాలను నివారించడానికి, చట్టబద్ధమైన న్యాయమైన పద్ధతులను నిర్ధారించడానికి పారదర్శకంగా అంచనాలను రూపొందించారని నిపుణులు చెప్పారు.