యూఏఈ: దుబాయ్ టోల్ ఆపరేటర్ అయిన సాలిక్ PJSC.. ఈద్ అల్ అధా సెలవు రోజుల్లో వేరియబుల్ రోడ్ టోల్ ధరలను అమలు చేయనున్నట్లు ప్రకటించింది. జూన్ 5 నుండి 8 వరకు (గురువారం నుండి ఆదివారం వరకు) ఉదయం 6 నుండి 10 గంటల వరకు, సాయంత్రం 4 నుండి రాత్రి 8 గంటల మధ్య రద్దీ సమయాల్లో.. దుబాయ్ అంతటా ఉన్న 10 సాలిక్ గేట్లలో దేనినైనా వాహనం దాటిన ప్రతిసారీ Dh6 ఛార్జీ చేయనుంది. ఉదయం 10 నుండి సాయంత్రం 4 గంటల వరకు, రాత్రి 8 నుండి తెల్లవారుజామున ఒంటిగంట వరకు (పీక్ అవర్స్ కాకుండా), టోల్ గేట్ ఛార్జ్ Dh4 గా ఉండనుంది. సాలిక్ తెల్లవారుజామున 1 గంటల నుండి ఉదయం 6 గంటల వరకు ఉచితంగా వెళ్లవచ్చు.

సాలిక్ వేరియబుల్ రోడ్ టోల్ ధర ఈ సంవత్సరం జనవరి 31న ప్రారంభమైంది. వారపు రోజులలో (సోమవారం నుండి శనివారం వరకు), ఉదయం రద్దీ సమయాల్లో (ఉదయం 6 నుండి 10 గంటల వరకు), సాయంత్రం రద్దీ సమయాల్లో (సాయంత్రం 4 నుండి రాత్రి 8 గంటల వరకు) టోల్ ధర Dh6గా నిర్ణయించారు. ఆఫ్-పీక్ సమయాల్లో.. ఉదయం 10 నుండి సాయంత్రం 4 గంటల మధ్య,  రాత్రి 8 నుండి తెల్లవారుజాము 1 గంటల వరకు, టోల్ Dh4. సాలిక్ వారంలోని ఏడు రోజులు ఉదయం 1 నుండి ఉదయం 6 గంటల వరకు ఉచితం. ప్రభుత్వ సెలవు దినాలలో టోల్ గేట్లు ఉచితం కాదని, నియమిత షెడ్యూల్ ప్రకారం వేరియబుల్ టోల్ రేట్లకు లోబడి ఉంటాయని సలిక్ ఇంతకుముందు స్పష్టం చేసింది.  

ఉచిత పార్కింగ్
ఈద్ అల్ అధా, దుబాయ్‌లో జూన్ 5 నుండి 8 వరకు పబ్లిక్ పార్కింగ్ ఉచితం. సెలవు దినాలలో బహుళ-స్థాయి పార్కింగ్ టెర్మినల్స్ చెల్లింపు సేవగా ఉంటాయి.