బంగ్లాదేశ్‌కి చెందిన 31 ఏళ్ళ వ్యక్తి అల్‌ నహ్దా ఏరియాలోని ఓ అపార్ట్‌మెంట్‌లో చనిపోయి ఉండడాన్ని పోలీసులు గుర్తించారు. అపార్ట్‌మెంట్‌లోని సీలింగ్‌ ఫ్యాన్‌కి ఆ వ్యక్తి ఉరివేసుకుని చనిపోయాడు. అయితే ఇది ఆత్మహత్యా? లేదంటే ఎవరైనా చంపేసి, ఆత్మహత్యగా చిత్రీకరించారా? అన్నదానిపై విచారణ కొనసాగుతోంది. ఈ ఘటనకు సంబంధించి తమకు ఫోన్‌ కాల్‌ రావడంతో వెంటనే సంఘటనా స్థలానికి చేరుకున్నామని పోలీసులు చెప్పారు. మృతుడు మరికొంతమందితో కలిసి ఈ అపార్ట్‌మెంట్‌లో నివసిస్తున్నాడనీ, సహచరులు లేని సమయంలో ఈ ఘటన జరిగిందని పోలీసులు వివరించారు. సన్నిహితులు, స్నేహితులకు సమాచారం అందించి, వారిని విచారిస్తున్నారు పోలీసులు.