యంగ్ హీరో రామ్ ని ఎనర్జిటిక్ హీరో అని పిలుస్తుంటారు. ఏ పాత్రలో నటించినా ఆ పాత్రకే ఎనర్జీ తెస్తాడు. సెట్లో కూడా చాలా చురుకుగా ఉంటాడు. ఆయన నటిస్తున్న తాజా చిత్రానికి 'హైపర్' అనే టైటిల్ పెడుతున్నారు. గతంలో తనకి 'కందిరీగ'తో మంచి హిట్టిచ్చిన సంతోష్ శ్రీనివాస్ దీనికి దర్శకత్వం వహించనున్నారు. 14 రీల్స్ ఎంటర్ టైన్మెంట్స్ సంస్థ నిర్మిస్తున్న ఈ చిత్రం కోసం 'హైపర్' అనే టైటిల్ని ఫిలిం ఛాంబర్ లో రిజిస్టర్ చేశారు. ఇందులో రామ్ పోషించే పాత్ర చాలా యాక్టివ్ గా బిహేవ్ చేస్తుందని, అందుకే ఆ టైటిల్ని నిర్ణయిస్తున్నారని సమాచారం. ఈ సినిమాలో రాశిఖన్నా కథానాయికగా నటిస్తోంది.