దుబాయ్‌కి చెందిన ఎమిరేట్స్ విమానయాన సంస్థ ప్రపంచంలోనే అత్యుత్తమ ఎయిర్‌లైన్స్ గా అవార్డును గెలుచుకుంది. ఈ ఏడాదికి గాను స్కైట్రాక్స్ సంస్థ ఈ అవార్డును ప్రకటించింది. లక్షలాది మంది విమాన ప్రయాణికులపై నిర్వహించిన సర్వే ఆధారంగా ఈ అవార్డును ఎంపిక చేశారు. ఇంగ్లండ్‌లో జరిగిన ఫారన్‌బరో ఇంటర్నేషనల్ ఎయిర్‌షో సందర్భంగా స్కైట్రాక్స్ వరల్డ్ ఎయిర్‌లైన్ అవార్డులను ప్రకటించారు. ప్రయాణికులకు కల్పిస్తున్న అత్యుత్తమ సేవల ఆధారంగా అవార్డును షార్ట్‌లిస్టు చేసినట్లు స్కైట్రాక్స్ సీఈవో ఎడ్వర్డ్ పేర్కొన్నారు.