మనామా: విదేశాలలో చిక్కుకుపోయిన అనేక మంది బహ్రెయిన్ జాతీయులను తిరిగి తీసుకురావడానికి అన్ని రకాలుగా ప్రయత్నిస్తున్నట్లు విదేశాంగ మంత్రిత్వ శాఖ ప్రకటించింది. నిన్న భూ సరిహద్దు క్రాసింగ్‌ల ద్వారా ఒక టీమ్ రాజ్యానికి చేరుకుందని తెలిపింది. విదేశాలలో ఉన్న తన పౌరుల సంక్షేమం,  రక్షణకు బహ్రెయిన్ రాజ్యం నిరంతరాయంగా పనిచేస్తుందన్నారు.  అవసరమైన ప్రయాణ విధానాలను అమలు చేస్తున్నట్లు తెలిపింది.  బహ్రెయిన్ దౌత్య కార్యాలయాలు,  సంబంధిత దేశాలతో సమన్వయంతో విదేశాలలో ఉన్న పౌరులను తిరిగి తీసుకురావడానికి తన ప్రయత్నాలను ముమ్మరం చేసినట్టు మంత్రిత్వ శాఖ తెలిపింది.

ఇరాక్ ద్వారా తిరిగి రావాలని కోరుకునే వారు తుర్క్‌మెనిస్తాన్‌కు ప్రవేశ వీసాలు పొందడానికి సహాయం అందిస్తున్నామని, ప్రస్తుతం ఇరాన్‌లో చిక్కుకున్న బహ్రెయిన్ జాతీయులతో కూడా కాంటాక్ట్ అవుతున్నామని తెలిపారు. అవసరమైన మద్దతు కోసం 24 గంటల హాట్‌లైన్ (+973 17227555) అందుబాటులో ఉందని పేర్కొంది.