దుబాయ్: దుబాయ్ ఎమిరేట్‌లో పాదచారుల భద్రతకు పెద్దపీట వేశారు. 10 ప్రదేశాలలో కొత్తగా స్మార్ట్ పాదచారుల సిగ్నల్‌లను ఏర్పాటు చేసింది.  ఈ సిగ్నల్‌లు ఉన్న మొత్తం సైట్‌ల సంఖ్యను 27కి చేరింది. రోడ్స్ అండ్ ట్రాన్స్‌పోర్ట్ అథారిటీ (RTA) ఈ ప్రాజెక్ట్ రెండవ దశలో భాగంగా ఈ కార్యక్రమాలను అమలు చేసింది. ప్రాజెక్ట్ మొదటి దశలో నగరం చుట్టూ ఉన్న అనేక ప్రదేశాలలో ఏర్పాటు చేయబడిన ఈ సిగ్నల్‌లు గొప్ప ఫలితాలను ఇచ్చాయి. ఈ దశలో కవర్ చేయబడిన ప్రదేశాలలో ఒమర్ బిన్ అల్ ఖత్తాబ్ స్ట్రీట్, షేక్ ఖలీఫా బిన్ జాయెద్ స్ట్రీట్, అల్ సత్వా స్ట్రీట్, సలాహ్ అల్ దిన్ స్ట్రీట్, అమ్మన్ స్ట్రీట్, అల్ ఖుసైస్ స్ట్రీట్ (లేబర్ క్యాంపుల దగ్గర) మరియు ఔద్ మెథా స్ట్రీట్ (స్కూల్ జోన్ ముందు) వెంట ఉన్న కూడళ్లు ఉన్నాయి.

ట్రాఫిక్ వ్యవస్థలను మెరుగుపరచడానికి, రహదారి భద్రతను పెంచడానికి, పాదచారులు- వాహనాల కదలికను క్రమబద్ధీకరించడానికి సిగ్నల్‌లు అత్యాధునిక సాంకేతిక పరిజ్ఞానాన్ని ఉపయోగిస్తాయి. ఇది ఇంటెలిజెంట్ థర్మల్ కెమెరాలను ఉపయోగించి కాలిబాటలపై క్రాసింగ్ చేస్తున్నప్పుడు పాదచారుల కదలికను గుర్తిస్తుంది. ఈ కెమెరాలు 24 గంటలూ పనిచేస్తాయి. తక్కువ వెలుతురు లేదా రాత్రి సమయ పరిస్థితుల్లో కూడా పాదచారుల కదలికను ఖచ్చితంగా గుర్తిస్తాయి. ఈ వ్యవస్థ వాస్తవ క్రాసింగ్ అభ్యర్థనలను నమోదు చేయడానికి, సిగ్నల్ సామర్థ్యాన్ని మెరుగుపరచడానికి, సమయ నియంత్రణను ఆప్టిమైజ్ చేయడానికి పుష్-బటన్ పరికరాలతో అనుసంధానిస్తుందని RTA ట్రాఫిక్ మరియు రోడ్ల ఏజెన్సీలోని ఇంటెలిజెంట్ ట్రాఫిక్ సిస్టమ్స్ డైరెక్టర్ మొహమ్మద్ అల్ అలీ తెలిపారు. ఈ సిగ్నల్‌లు సానుకూల ఫలితాన్ని ఇచ్చాయని ఆయన అన్నారు.