మనామా: బహ్రెయిన్ అంతటా మొబైల్ ఫోన్లలో టైమ్ జోన్ సమస్యలు తలెత్తాయి. ఈ క్రమంలో వినియోగదారుల నుండి వారి ఫోన్‌లు తప్పు సమయాన్ని చూపిస్తున్నాయని లేదా ఆటోమెటిక్ గా తప్పు టైమ్ జోన్‌కు మారుతున్నాయని అనేక ఫిర్యాదులను స్వీకరించినట్లు టెలికమ్యూనికేషన్స్ రెగ్యులేటరీ అథారిటీ (TRA) తెలిపింది. కాగా, మీ ఫోన్లు సరైన సమయాన్ని చూపెడుతున్నాయో లేదో తెలుసుకోవడానికి నిర్ధారించుకోవడానికి ..వారి పరికర సెట్టింగ్‌లను మాన్యువల్‌గా తనిఖీ చేసి సర్దుబాటు చేసుకోవాలని అథారిటీ సలహా జారీ చేసింది. 

మీ ఫోన్ రకం ఆధారంగా.. సమస్యను ఇలా ఫిక్స్ చేసుకోవాలి:

Android వినియోగదారుల కోసం:

సెట్టింగ్‌ల యాప్‌ను తెరవాలి.

సిస్టమ్ లేదా జనరల్ మేనేజ్‌మెంట్‌ను నొక్కాలి.

డేట్ అండ్ టైమ్ సెలక్ట్ చేసుకోవాలి.

ఆటోమేటిక్ డేట్ అండ్ టైమ్,  ఆటోమేటిక్ టైమ్ జోన్‌ను ఆఫ్ చేయాలి.

టైమ్ జోన్‌ను ఎంచుకోండి. "గల్ఫ్ స్టాండర్డ్ టైమ్" లేదా "మనామా" ఎంచుకోవాలి.

అవసరమైతే సమయాన్ని మాన్యువల్‌గా సర్దుబాటు చేయాలి.

ఐఫోన్ (iOS) వినియోగదారుల కోసం:

సెట్టింగ్‌లను ఓపెన్ చేయండి.

జనరల్‌ను నొక్కండి

డేట్ అండ్ టైమ్ సెలక్ట్ చేసుకోండి.

ఆటోమేటిక్‌గా సెట్ చేయి ఆఫ్ చేయాలి.

టైమ్ జోన్‌ను నొక్కి "మనామా" కోసం సెర్చ్ చేయండి

అవసరమైతే సమయాన్ని మాన్యువల్‌గా సెట్ చేయాలి.