దోహా, ఖతార్: ఒక వ్యక్తి డయాబెటిస్‌కు నివారణను కనుగొన్నట్లు చెప్పుకుంటూ.. ఖతార్ పౌరులను తనను సంప్రదించమని కోరుతూ.. మోసపూరిత ప్రయోజనాల కోసం ప్రచారం చేస్తున్న తప్పుదారి పట్టించే వీడియో గురించి ప్రజారోగ్య మంత్రిత్వ శాఖ (MoPH) హెచ్చరిక జారీ చేసింది.

"తన వాదనలకు బలం చేకూర్చడానికి ఖతార్‌లోని స్థానిక సంస్థలో పరిశోధనలో శిక్షణా సహాయకుడిగా తన జాబ్ రోల్ ను తప్పుగా చూపించాడు" అని మంత్రిత్వ శాఖ స్పష్టం చేసింది. "అతని పాత్ర పరిశోధన అధ్యయనాలలో పాల్గొనేవారితో మాట్లాడం మాత్రమే" అని మంత్రిత్వ శాఖ స్పష్టం చేసింది.

ఆ వ్యక్తి అర్హత కలిగిన డయాబెటిస్ నిపుణుడు కాదని, వైద్య సలహాలు అందించడానికి వ్యక్తికి లైసెన్స్ లేదని కూడా స్పష్టం చేసింది. ఆ వ్యక్తి ఖతార్ లో ఉద్యోగం చేయడం లేదని కూడా మంత్రిత్వ శాఖ ధృవీకరించింది.

ఖతార్‌లోని ఏ ఆరోగ్య సంరక్షణ నిపుణుడి లైసెన్స్ స్థితిని "Find a Registered Healthcare Practitioner" సేవ ద్వారా తెలుసుకోవచ్చని మంత్రిత్వ శాఖ పేర్కొంది.  సైట్ లింక్... https://dhp.moph.gov.qa/en/Pages/SearchPractitionersPage.aspx.

లైసెన్స్ లేని ఏవైనా ఆరోగ్య సంరక్షణ సంబంధిత మోసాలను [email protected] ఇమెయిల్ ద్వారా నివేదించాలని పౌరులు, వాసితులను కోరారు.