ఒమాన్: దక్షిణ అల్ షర్కియా గవర్నరేట్లోని జలన్ బని బు అలీ విలాయత్ తీర ప్రాంతాలు ప్రవక్త (స) హిజ్రా సెలవుదినం సందర్భంగా పర్యాటకులు పోటెత్తారు. తీరప్రాంతాలలో చల్లని వాతావరణం, దట్టమైన పొగమంచుతో కూడిన ప్రదేశాలు..  క్యాంపింగ్, సర్ఫింగ్ ఔత్సాహికులకు ఇష్టమైన ప్రాంతాలుగా మారాయి. అల్ అష్ఖారా బీచ్, అసిలా టూరిస్ట్ పార్క్, అల్ హద్దా సముద్ర తీరంలో అనేక వినోద కార్యకలాపాలు కూడా అనేక మంది పర్యాటకులు, సందర్శకుల ను ఆకర్షిస్తున్నాయి. వేసవిలో ఒమన్లో పర్యాటక వాతావరణం అనుకూలంగా ఉండటం వల్ల హోటళ్ళు,  రిసార్ట్లలో ఆక్యుపెన్సీ రేట్లు 90 శాతానికి పైగా చేరుకున్నాయి.

దక్షిణ అల్ షర్కియా గవర్నరేట్ రాష్ట్రాలలో విస్తరించి ఉన్న గవర్నరేట్లో 152 పర్యాటక సౌకర్యాలు ఉన్నాయి. ముఖ్యంగా జూలై ప్రారంభంలో ప్రారంభమై ఆగస్టు చివరి వరకు కొనసాగే వేసవి పర్యాటక సీజన్ ప్రారంభంతో పర్యాటకులను ఆకర్షించే ప్రాంతాలలో సముద్ర పర్యాటకం ముందంజలో ఉంది. జూలై 16 నుండి ఆగస్టు 9వరకు జరిగే అష్ఖారా అట్మాస్ఫియర్ ఫోరం మూడవ ఎడిషన్తో పాటు, తీరప్రాంతాలు మెరుగైన విభిన్న పర్యాటక సేవలు, కార్యకలాపాలను నిర్వహించనున్నారు.