అండా దొ ప్యాజా
కావలిసిన పదార్ధాలు
గుడ్లు - 4
ఉల్లిపాయలు - పావుకిలో
పెరుగు - కప్పు
అల్లం వెల్లుల్లి పేస్ట్‌ - స్పూన్‌
దనియాల పొడి - 1 స్పూన్‌
పలావు ఆకు, దాల్చిన చెక్క, లవంగాలు, యాలకులు - కొద్దిగా ప్లేవర్‌కి
పచ్చిమిర్చి - 2
పసుపు - చిటికెడు
కొత్తిమీర, పుదీనా - ఒక కట్ట
నూనె - సరిపడినంత
కారం - 4 స్పూన్లు
తయారీ విధానం
ముందుగా కోడిగుడ్లు ఉడికించి, పెంకు తీసి పెట్టాలి. కొన్ని ఉల్లిపాయలు సన్నగా పొడవుగా కోసి, మరికొన్ని చిన్న ముక్కలుగా కట్‌ చేయాలి. బాణలిలో నూనె వేసి, దానిలో ప్లేవర్‌ కోసం చెప్పిన పదార్దాలన్నీ వేసి వేయించి, తరువాత అల్లం వెల్లుల్లి పేస్ట్‌ కూడా కలిపి బాగా వేయించాలి.ఇప్పుడు పొడవుగా కోసిన ఉల్లి ముక్కలు, పచ్చిమిర్చి ముక్కలు వేసి వేయించాలి. ఇప్పుడు దనియాల పొడి, పుచ్చగింజల పేస్ట్‌ వేసి పావుగంట సేపు ఉడికించాలి. తరువాత చిన్నగా కోసిన ఉల్లి ముక్కలను వేసి ఉప్పు, కారం, పసుపు వేసి, పెరుగు, పుదీనా, కొత్తిమీర తురుము వేసి బాగా ఉడికించి, చివరిగా ఉడికించిన గుడ్లు వేసి స్టవ్‌ ఆఫ్‌ చేయాలి.