అజ్నబీ
- July 19, 2016కిరీటాలు పడిపోతాయని
పలకరించక తిరిగే దాపరికాలు ఎదురవుతుంటాయి
పెట్టుడు మీసాలూడిపోతాయని
నవ్వనైనా నవ్వని పెద్దరికాలు గుచ్చుతుంటాయి
అనుకుంటావు కానీ ...
ఒక్కసారైనా ఉరమకపోయినా
ఒక్కసారైనా మెరవకపోయినా
కనీసం
మాటలతో మాటల్లో అల్లుకు పోతుండాలి
ముఖంతో ముఖాలను పెనవేసుకు పోతుండాలి
నడిచేటప్పుడు చెప్పుల చప్పుడు
ఎగిరేటప్పుడు రెక్కల చప్పుడు
చేసే తీరాలి
సఖ్యాన్ని
లౌక్యాన్ని
కప్పుకొని తిరగాలి
ముసుగులో మూడు ముచ్చట్లైనా చెప్పాలి
నలుగురిలో నాలుగు చప్పట్లైనా కొట్టాలి
పరకాయ ప్రవేశమే కాదు
పరవస్తు ప్రవేశమూ తెలియాలి
మరమనుషులు తిరుగుతుంటాయి
వినిపించేంత స్పష్టంగా
కనిపించేంత స్వచ్ఛంగా
నువ్వు నీలా బతికేందుకైనా
కనీసం
వానితో ఒక్కసారైనా నటించే తీరాలి
కొంచెమైనా తగ్గనిదే బరువు తూగడం కష్టమని చెప్పబడుతుంది
తనకుతాను తగ్గించుకున్నోడే హెచ్చింపబడతాడని లిఖించబడుతుంది
నీ డైరీలో
అనుకుంటావు కానీ ...
నీ నీడే అడ్డుగోడ కట్టుకొని
“ చలో ఎక్ బార్ ఫిర్సే అజ్నబీ బంజాయే హం దోనో “ అని
నీ ముందే పాడినప్పుడు
ఏదీ అనుకున్నంత ఈజీ కాదని తెలుస్తుంది
~ పారువెల్ల ~
తాజా వార్తలు
- సీఎం చంద్రబాబు ప్రభుత్వం మరో కీలక నిర్ణయం
- ఐదు ఎమ్మెల్సీ స్థానాలకు జులై 12న ఉప ఎన్నిక
- నర్సింగ్ సిబ్బందిని అభినందించిన నర్సింగ్ డైరెక్టర్
- యూఏఈలో కొత్త లోన్ స్కామర్లు, నకిలీ వాట్సాప్ జాబ్స్ ఫ్రాడ్స్..!
- ఇజ్రాయెల్ పై చర్య తీసుకోవాలి.. సౌదీ క్రౌన్ ప్రిన్స్
- అబుదాబిలో పార్కింగ్ నిబంధనలు కఠినతరం
- రిటైల్ రియాల్టీ మార్కెట్లో గణనీయమైన వృద్ధి..!
- మున్సిపాలిటీ మంత్రిత్వ శాఖలో 110 సేవలు డిజిటలైజేషన్
- తెలంగాణ గల్ఫ్ సమితి ఆధ్వర్యంలో ఘనంగా తెలంగాణ అవతరణ దశాబ్ది సంబరాలు
- ఆంధ్రప్రదేశ్ అడ్వకేట్ జనరల్ గా దమ్మాలపాటి శ్రీనివాస్ నియామకం