కువైట్: కువైట్ లోని సాద్ అల్-అబ్దుల్లా ప్రాంతంలో దారుణ ఘటన చోటుచేసుకుంది. ముప్పై ఏళ్ల వ్యక్తి తన తల్లి గొంతును కత్తితో కోసి చంపాడని కువైట్ పోలీసులు తెలిపారు. వెంటనే ఆమె కుమార్తె బాధితురాలిని ఆస్పత్రికి తరలించినప్పటికీ, అంతకుముందే అమె మరణించినట్టు డాక్టర్లు నిర్ధారించారని పోలీసులు వెల్లడించారు. నిందితుడిని అరెస్టు చేసినట్లు, హత్యకు ఉపయోగించిన కత్తిని స్వాధీనం చేసుకున్నట్లు పేర్కొన్నారు.  అతడిపై కేసు నమోదు చేసినట్టు, పబ్లిక్ ప్రాసిక్యూషన్ దర్యాప్తు చేస్తున్నట్లు వెల్లడించారు.