దోహా: ఖతార్ కస్టమ్స్‌  'షాబు' అని పిలిచే మాదకద్రవ్య పదార్థమైన మెథాంఫెటమైన్‌ను అక్రమంగా రవాణా చేసే ప్రయత్నాన్ని అడ్డుకుంది.  ఒక షిప్‌మెంట్‌లో దాచిపెట్టిన 1.84 కిలోగ్రాములను స్వాధీనం చేసుకున్నారు. కస్టమ్స్ ఇన్‌స్పెక్టర్ అనుమానం వచ్చిన తర్వాత ఈ స్మగ్లింగ్ గుట్టు బయటపడింది. హమద్ పోర్టు ద్వారా వస్తున్న షిప్‌మెంట్‌లలో ఒకదానిలో ఆడియో స్పీకర్ల బోలు కంపార్ట్‌మెంట్లలో మాదకద్రవ్య పదార్థం దాచినట్లు అధికారులు గుర్తించారు. అనంతరం వాటిని స్వాధీనం చేసుకున్నారు. సీజ్ చేసిన మాదకద్రవ్యాల మొత్తం బరువు 1.84 కిలోలని కస్టమ్ అధికారులు తెలిపారు.