హౌసింగ్‌ మినిస్ట్రీ కింగ్‌డమ్‌ వ్యాప్తంగా వెయ్యి హౌసింగ్‌ యూనిట్స్‌ని లబ్దిదారులకు పంపకం చేసినట్లు వెల్లడించింది. దమిస్తాన్‌, అల్‌ నబీ సలా మరియు అల్‌ లాజి హౌసింగ్‌ ప్రాజెక్టుల్లో ఈ లబ్దిదారులుంటారు. హౌసింగ్‌ డిమాండ్‌ని తగ్గించే క్రమంలో ఈ కార్యక్రమాన్ని చేపట్టారు. మొత్తం 3000 హౌసింగ్‌ యూనిట్స్‌ని కింగ్‌డమ్‌ వ్యాప్తంగా లబ్దిదారులకు అందజేయాలన్న క్రౌన్‌ ప్రిన్స్‌, డిప్యూటీ ప్రైమ్‌ మినిస్టర్‌ సల్మాన్‌ బిన్‌ హమాద్‌ అల్‌ ఖలీఫా ఆలోచనల నేపథ్యంలో లబ్దిదారులకు ఇళ్ళను మంజూరు చేయడం జరిగింది. 2018 నాటికి మొత్తం 25,000 హౌసింగ్‌ యూనిట్స్‌ని అందుబాటులోకి తీసుకొస్తామనీ, మొత్తంగా ఈ సంఖ్య 40,000 యూనిట్ల ప్రాజెక్ట్‌ ఇదని హౌసింగ్‌ మినిస్ట్రీ వెల్లడించింది.