యూఏఈ: యూఏఈ లాటరీ Dh100-మిలియన్ల విజేత అనిల్‌కుమార్ బొల్లా నిలిచారు. ఈ 29 ఏళ్ల అబుదాబి నివాసి అనిల్‌కుమార్ బొల్లా ఇది తన జీవితాన్ని మార్చే కీలక సంఘటనగా వివరించాడు.తొలుత సూపర్‌కార్ కొంటానని,  ఆ తర్వాత సెవెన్-స్టార్ హోటల్‌లో నెల రోజుల పాటు ఉంటానని భవిష్యత్ ప్రణాళికను చెప్పాడు.  "ఈ మొత్తం నా జీవితాన్ని శాశ్వతంగా మారుస్తుంది" అని అతను తెలిపాడు.   “ఈ డబ్బును తెలివిగా ఎలా పెట్టుబడి పెట్టాలో జాగ్రత్తగా ప్లాన్ చేసుకోవడానికి నేను సమయం తీసుకుంటాను” అని అతను వివరించాడు.

అనిల్‌కుమార్ బోల్లా ఏడు సంఖ్యలను సరిపోల్చి జాక్ పాట్ కొట్టాడు.తనకు అధృష్టాన్ని తెచ్చిపెట్టిన 'నెలల సెట్' లో 11 సంఖ్య.. తన తల్లి పుట్టిన నెల అని, ఇది తనను విజేతగా నిలిపిందని వివరించాడు.