కువైట్: కువైట్ లోని రిజర్వ్ పార్కులో అక్రమంగా వేటకు వెళ్లిన ఇద్దరు వ్యక్తులను పోలీసులు అరెస్టు చేశారు. అనుమతి లేకుండా సబా అల్-అహ్మద్ నేచర్ రిజర్వ్‌లోకి ప్రవేశించి, ఫాల్కన్‌లను ఉపయోగించి వన్యప్రాణులను వేటాడినందుకు ఇద్దరు వ్యక్తులను అరెస్టు చేశారు.  రక్షిత అటవీ చట్టాల ప్రకారం వారిపై కేసులు నమోదు చేసి, తగిన చర్యలు తీసుకుంటున్నట్లు పోలీస్ డైరెక్టరేట్ తెలిపింది.

పర్యావరణ పరిరక్షణ చట్టంలోని ఆర్టికల్ 105 ప్రకారం..అటవీ లేదా సముద్ర జీవులకు హాని కలిగించడం, రిజర్వ్ ప్రాంతాలను దెబ్బతీయడం లేదా అడవి జంతువులను వేటాడటం, పట్టుకోవడం లేదా వెంబడించడం నిషేధం.  ఈ ఆర్టికల్‌ను ఉల్లంఘించిన వారికి ఒక సంవత్సరం వరకు జైలు శిక్ష, 500 నుండి 5,000 దినార్ల వరకు జరిమానా లేదా రెండూ విధించే అవకాశం ఉందని అధికారులు హెచ్చరించారు.   .