మస్కట్: ఒమన్ లో వాతావరణ పరిస్థితులు వేగంగా మారుతున్నాయని వాతావరణ శాఖ వెల్లడించింది. ముఖ్యంగా బలమైన గాలులు వీచే అవకాశం ఉందని పేర్కొంది. వాతావరణ శాఖ అప్డేట్ ల నేపథ్యంలో ట్రాన్స్ పోర్ట్ మినిస్ట్రీ కీలక సూచనలు జారీ చేసింది. సుల్తాన్ సయీద్ బిన్ తైమూర్ రహదారి (ఆడమ్–హైమా) పై ప్రయాణించే వాహనదారులు జాగ్రత్తగా ఉండాలని హెచ్చరించింది. బలమైన గాలుల కారణంగా ఇసుక రోడ్లపై పేరుకుపోయిందని పేర్కొంది. ఇసుక తుఫాన్ కారణంగా విజిబిలిటీ తగ్గే అవకాశం ఉందని తెలిపింది.  అన్ని భద్రతా సూచనలను పాటించాలని కోరింది.