రియాద్: సౌదీ అరేబియాలో 2023-2025 మోడల్స్ కు చెందిన హోండా కార్లను వాణిజ్య మంత్రిత్వ శాఖ రీకాల్ చేసింది. ఇంటిగ్రేటెడ్ కంట్రోల్ యూనిట్ ప్రోగ్రామింగ్‌లో లోపం కారణంగా 2023-2025 మోడల్స్ కు చెందిన 2,239 హోండా అకార్డ్ హైబ్రిడ్ కార్లను వెనక్కి పిలుస్తున్నట్లు అధికారులు వెల్లడించారు.

ఈ లోపం కారణంగా డ్రైవింగ్ చేస్తున్నప్పుడు అకస్మాత్తుగా పవర్ కోల్పోయే అవకాశం ఉందని, ఇది ప్రమాదాలను పెంచుతుందని మంత్రిత్వ శాఖ పేర్కొంది. రీకాల్ సెంటర్‌ను సంప్రదించి, తమ వాహన గుర్తింపు సంఖ్య (VIN) రీకాల్ జాబితాలో ఉందో లేదో తనిఖీ చేసుకోవాలని సూచించారు. అవసరమైన అప్‌డేట్‌లను ఉచితంగా చేయించుకోవడానికి కంపెనీని సంప్రదించాలని మంత్రిత్వ శాఖ కార్ల యజమానులను కోరింది.