జెడ్డా: ఇజ్రాయెల్ సోమాలిలాండ్ అని పిలవబడే ప్రాంతాన్ని స్వతంత్ర దేశంగా గుర్తించిన తర్వాత సోమాలియాలో చోటుచేసుకున్న పరిణామాలపై ఇస్లామిక్ సహకార సంస్థ (OIC) ఆందోళన వ్యక్తం చేసింది. ఈ మేరకు విదేశాంగ మంత్రుల మండలి జెడ్డాలోని OIC జనరల్ సెక్రటేరియట్ ప్రధాన కార్యాలయంలో సమావేశమై చర్చించారు.   

ఈ సందర్భంగా OIC సెక్రటరీ జనరల్ హుస్సేన్ తాహా మాట్లాడుతూ.. సోమాలియా సార్వభౌమాధికారం పూర్తి మద్దతుగా నిలుస్తామని స్పష్టం చేశారు. ఇజ్రాయెల్ చర్య ఒక ప్రమాదకరమైనదిగా అభివర్ణించారు. అంతర్జాతీయ చట్టాలను ఇజ్రాయెల్ ఉల్లంఘించిందని పేర్కొన్నారు.   

OIC చార్టర్, అంతర్జాతీయ చట్టం మరియు సంబంధిత ఐక్యరాజ్యసమితి తీర్మానాల ఆధారంగా సోమాలియాకు మద్దతుగా నిలిచినట్లు తెలిపారు. ఈ సందర్భంగా పాలస్తీనాలోని పరిణామాలను కూడా ప్రస్తావించారు.  కాల్పుల విరమణ ఒప్పందం రెండవ దశకు ముందుకు సాగాలని, తద్వారా శాశ్వతమైన ముగింపు పలకాలని, గాజా స్ట్రిప్ నుండి పూర్తిగా వైదొలగాలని ఇజ్రాయెల్‌ను కోరారు. ఈ మేరకు తీర్మానాలను OIC దేశాల విదేశాంగ మంత్రుల మండలి ఆమోదించింది.