మనామా: ఆరాద్ ప్రాంతంలోని మినీ హెరిటేజ్ విలేజ్‌లో అగ్నిప్రమాదం చోటుచేసుకుంది. ఆకాశంలోకి పొగలు ఎగిసిపడ్డాయి. భయంతో నివాసితులు పరుగులు పెట్టారు. సమాచారం అందగానే ఫైర్ ఫైటర్స్ వేగంగా సంఘటన స్థలానికి చేరుకున్నారని ప్రత్యక్ష సాక్షులు వివరించారు. మంటలను అదుపులోకి తెచ్చి, అవి మరింత వ్యాప్తి చెందకుండా అడ్డుకున్నారని తెలిపారు.  

అయితే, అప్పటికే హెరిటేజ్ విలేజ్ లోని అనేక సౌకర్యాలు బూడిదయ్యాయి. అదృష్టవశాత్తూ, ఎవరికి గాయాలు కాలేదని అధికారులు తెలిపారు. అగ్నిప్రమాదంపై దర్యప్తు కొనసాగుతుందని వెల్లడించారు.