మాజీ ప్రధాని దేవేగౌడ మనవడు, కర్ణాటక మాజీ ముఖ్యమంత్రి హెచ్‌.డి కుమారస్వామి తనయుడు నిఖిల్‌కుమార్‌ హీరోగా పరిచయం చేస్తూ రూ. 75కోట్ల భారీ బడ్జెట్‌తో నిర్మిస్తున్న చిత్రం 'జాగ్వార్‌'. ఈ చిత్రం ఫస్ట్‌లుక్‌, టీజర్‌ని జులై 31న ఉదయం 11 గంటలకు హైదరాబాద్‌ పార్క్‌ హయత్‌లో తెలుగు సినీ ప్రముఖుల సమక్షంలో విడుదల చేయనున్నారు. బాహుబలి, భజరంగి భాయ్‌జాన్‌ చిత్రాలతో ప్రపంచమంతటా సంచలనం సృష్టించిన గొప్ప కథా రచయిత విజయేంద్రప్రసాద్‌ ఈ చిత్రానికి కథ అందించారు. బాలకృష్ణతో 'మిత్రుడు' తీసిన ఎ. మహదేవ్‌ ఈ చిత్రానికి స్క్రిప్ట్‌, మాటలు, దర్శకత్వం చేస్తున్నారు. థమన్‌ చిత్రానికి సంగీతం సమకూరుస్తున్నారు. రామజోగయ్యశాస్త్రి ఈ చిత్రానికి పాటలు రాశారు. హెచ్‌.డి. కుమారస్వామి ఈ చిత్రాన్ని నిర్మిస్తున్నారు. దీప్తి కథానాయకిగా నటిస్తున్న ఈ చిత్రంలో జగపతిబాబు విలక్షణమైన పాత్రను పోషిస్తున్నారు. ఓ ప్రత్యేక పాత్రలో రమ్యకృష్ణ నటిస్తున్నారు.