రియాద్: సౌదీ అరేబియా వాతావరణం వేగంగా మారుతోంది. జాతీయ వాతావరణ కేంద్రం అనేక ప్రాంతాలకు రెడ్ అలర్ట్‌లను జారీ చేసింది. దట్టమైన పొగమంచు కారణంగా విజిబిలిటీ ఒక కిలోమీటరు కంటే తక్కువగా తగ్గిందని, ఇది వాహనదారులకు మరియు ప్రయాణికులకు తీవ్రమైన ప్రమాదాలను కలిగించే అవకాశం ఉందని పేర్కొంది. ముఖ్యంగా తూర్పు ప్రావిన్స్‌లో, అల్ జుబైల్, అల్ ఖోబర్, దమ్మామ్, అల్ ఖతీఫ్ మరియు రాస్ తనురాలో దట్టమైన పొగమంచు ఏర్పడుతుందని తెలిపింది.    

అదే సమయంలో తూర్పు ప్రావిన్స్‌లోని కొన్ని ప్రాంతాలలో మోస్తరు వర్షాలు నుంచి భారీ వర్షాలు కురిసే అవకాశం ఉందని ఆరెంజ్ అలెర్ట్ జారీ చేసింది. అల్ కామెల్, రిహాత్ మరియు మద్రాకా ప్రాంతాలతోపాటు  అజ్ జుల్ఫీ, అల్ ఘాట్, అల్ మజ్మా మరియు షక్రా సహా రియాద్ ప్రాంతంలోని కొన్ని ప్రాంతాలలో వర్షపాతం కురిసే అవకాశం ఉందని వెల్లడించింది.  నివాసితులు మరియు ప్రయాణికులు జాగ్రత్తగా ఉండాలని, భద్రతా మార్గదర్శకాలను పాటించాలని వాతావరణ కేంద్రం కోరింది.