దుబాయ్: రమదాన్ నేపథ్యంలో బీట్ అల్ ఖైర్ సొసైటీ 70 మిలియన్ల దిర్హామ్‌ల మానవతా ప్రచారాన్ని ప్రారంభించింది. ఈ చొరవ కింద 1.6 మిలియన్ల ఉచిత ఇఫ్తార్ మీల్స్ ను అందజేయనున్నారు. ఇది పవిత్ర మాసంలో తక్కువ ఆదాయ కుటుంబాలపై ఆర్థిక భారాన్ని తగ్గించడానికి దోహదం చేస్తుందని బీట్ అల్ ఖైర్ సొసైటీలో మీడియా మరియు ప్రజా సంబంధాల సలహాదారు ఖలీఫా అల్ ఫలాసి అన్నారు.  అలాగే, మొత్తం 26.5 మిలియన్ల దిర్హామ్‌ తో అత్యవసర మానవతా సహాయానికి కేటాయించినట్లు పేర్కొన్నారు. పేదలకు అద్దెను చెల్లించడం, విద్యుత్ మరియు నీటి బిల్లులు చెల్లించడం, వైద్య చికిత్స మరియు అవసరమైన మందులను అందజేయడం లాంటి సేవా కార్యక్రమాలను చేపడతామని తెలిపారు.