కువైట్:  అక్రమ చేపల వేటకు పాల్పడిన పడవను గుర్తించి, అందులోని ముగ్గురు వ్యక్తులను అరెస్టు చేసినట్లు కువైట్ కోస్ట్ గార్డ్ తెలిపింది. పెట్రోలింగ్ యూనిట్లు పడవను ఆపడానికి ప్రయత్నించాయని, కానీ కెప్టెన్ ఆదేశాలను పట్టించుకోకుండా అక్కడి నుండి వారు పారిపోయేందుకు ప్రయత్నించారని అంతర్గత వ్యవహారాల మంత్రిత్వ శాఖ వెల్లడించింది. వేటగాళ్ల పడవ తీరప్రాంతానికి చేరుకోగానే వారిని అరెస్టు చేసినట్లు తెలిపింది. ఈ క్రమంలో వారిలో ఒకరు అధికారులపై దాడికి యత్నించాడని పేర్కొన్నది. నిందితుల్లో ఇద్దరికి నేర చరిత్ర ఉందని తెలిపింది.