దోహా: ఖతార్ అంతర్గత మంత్రిత్వ శాఖ మరియు ఇంటర్నల్ సెక్యూరిటీ ఫోర్స్ లేఖ్వియా, విజిట్ ఖతార్ మరియు మీడియా సిటీ సహకారంతో స్టేడియం 974లో నిర్వహించిన జాతీయ క్రీడా దినోత్సవ కార్యక్రమం గిన్నిస్ వరల్డ్ రికార్డ్స్ లో నమోదు అయింది.   గిన్నిస్ వరల్డ్ నిర్దేశించిన అన్ని ప్రమాణాల మేరకు 113,169.68 చదరపు మీటర్ల విస్తీర్ణంలో ఉన్న అతిపెద్ద తాత్కాలిక క్రీడా వేదికగా రికార్డు సృష్టించింది. జాతీయ క్రీడా దినోత్సవ కార్యక్రమాల్లో భాగంగా జరిగిన కార్యక్రమంలో గిన్నిస్ వరల్డ్ రికార్డ్స్ ప్రతినిధి ప్రవీణ్ పటేల్ కొత్త రికార్డును ప్రకటించారు.

ఈ మేరకు ఖతార్ అంతర్గత మంత్రిత్వ శాఖ మరియు ఇంటర్నల్ సెక్యూరిటీ ఫోర్స్ లేఖ్వియా ప్రాతినిధ్యం వహిస్తున్న ఖతార్ పోలీస్ స్పోర్ట్స్ ఫెడరేషన్ వైస్ ప్రెసిడెంట్ కల్నల్ అహ్మద్ బిన్ హమద్ అల్-థానీకి గిన్నిస్ సర్టిఫికెట్‌ను అందజేశారు. >ఈ సర్టిఫికెట్‌ను మీడియా సిటీ తరపున CEO హమద్ ఒమర్ అల్ మన్నాయ్ మరియు విజిట్ ఖతార్ తరపున ఈవెంట్స్ అండ్ ఫెస్టివల్స్ డైరెక్టర్ అహ్మద్ హమద్ అల్ బినాలి సమక్షంలో  ఆయన అందుకున్నారు.